LECCIÓN 10
Katukane oko naminate sina religión nomewitu?
1. Religión nomewitu jisaka jara?
“Dio kware arewaramo tane oritoayakutai tatuma aribu yatu nokoterate” (MATEO 7:15)
Jesú anebutuma tane religión nomewitu eku abanae, Jesú dibunae religión nomewitu jojisi monuka, warao ekia naria kutai are jate tiarone taisi jojisi anajabumo erajena (Mateo 7:14). Warao Dio yatomanetekore Dio akarata dibiakutai monuka Dio tatuma jisamuka obonea. Yatomanetemo nomewitu kokotuka nome abane orikaika ja. Juan 4:23, 24; 14:6; Efeso 4:4, 5 teribu.
2. Sina Jesú dibunae kiritiano nomeana isia?
“Tatuma ribia: Oko Dio naminaya, tia. Tiarone anona isia oko Dio naminanaja, tane ribia.” (TITO 1:16)
Jesú dibunae kiritiano nomeana jate kiritiano nomewitu iasiratate kutai. Tamaja waraotuma aikeresia tane kiritiano nomewitu oriyejebuya. Tatuma nome inaminakitane dibuyarone tatuma warao imasibuya. Katukane oko naminakuna sina religión nomewitu? Religión nomewitu anonamo yakeraja emia. Mateo 7:13-23 teribu.
3. Sina religión nomewitu eku abaya?
Miki anona mojabasi religión nomewitu nonayakutai:
-
Kiritianotuma nomewitu Dio akarata yatomanetea Dio aribu jame. Tatuma Dio akarata ainamina eku abaya waraotuma ainamina eku abanaja (Mateo 15:7-9). Tatuma dewarayakutai nonaya. Juan 17:17; 2 Timoteo 3:16, 17 teribu.
-
Jesú aiamo anarumo Dio awai Jeoba yatomanetea. Jesú Dio awai yatomaneteae daisama enokokore. Jesú Jeoba isia dewarae rakate tai waraotuma kuai dibakitane inaminae ebukitane Dio awai yatomanetemejerei (Mateo 6:9). Iji ubayakutai awerea sina religión Dio awai inaminaya? Juan 12:28; Salmo 83:18 teribu.
-
Kiritianotuma nomewitu Dio a Reino isia dewaraya. Dio Jesú Jobaji ata inatabae deje yakeraja a Reino isia dewarakitane. Dio a Reino jisamika waraotuma sanetate. Jesú yaja awaba isia jese Dio a Reino isia dewarae (Lucas 4:43; 8:1; 23:42, 43). Arakate Jesú dibunae anebutuma Dio a Reino isia dewarakuna. Tiame warao ji yanabakakore Dio a Reino isia dewarakitane. Tai warao sina religión sabasabaya jakuna? Mateo 24:14 teribu.
-
Jesú aiamo anarumo tamaja daina asiraja araoana. Jesú anebutuma política eku nakanaja kobieno kuare orikubanaja rakate kobieno diboto orikubanaja (Juan 17:16; 18:36). Jesú anebutuma daina arao aobojona asiraja anona asiraja tane sitanaja. Santiago 4:4 teribu.
-
Kiritianotuma nomewitu oriobonoyaja emia. Dio akarata tatuma inaminaya warao kokotuka yatomanetekitane. Religiontuma nomeana daria o orikuba jakore sanetaya tiarone religión nomewitu sanetanaja (Miqueas 4:1-3). Taisi kuare kiritiano nomewitu asinarija isia amoara omi tane daisama sanetaya. Juan 13:34, 35; 1 Juan 4:20 teribu.
4. Iji naminakuna sina religión nomewitu?
Sina religión ainamina kokotuka Dio akarata ekumo inaminaya? Sina religión Dio awai yatomanetea rakate dewaraya Dio a Reino jisamika waraotuma sanetate? Sina religión jisamika arao jakutai oriobonoya, daria obononaja? Sina iji obonobuya? 1 Juan 3:10-12 teribu.
