Dio obonea warao kokotuka jobaji arai oriwakamejerei. Tai jobaji nonae dakate jobaji eku jakutai kokotuka nonae waraotuma obonoyame. Ya jisaka eku utirajawituana o jakewitu Dio ka sanamata ekorate waraotuma jobaji kokotuka atamo yakera ubamejerei. Jeremías 29:11 teribu.

Warao akobieno jisakarakate orikuba, nobara waba tane ekorakomoni. Tiarone deje yakeraja ja: Ya jisaka eku utirajawituana o jakewitu Dio warao akobieno kokotuka ekorate, dakate tai akobieno abate. Tai awaraotuma orikuare jate waba ekirate. Emusabataja 11:15; 21:3, 4 teribu.

Dio sanamata kokotuka ekoramejerei tai warao asiraja jobaji kokotukanea atamo ekorakitane ja (Sofonías 2:3). Katukakore? Dio akarata dibunae katukeme ama waraotuma sanamataya. Ama kwayabayakutai ka emia ya jisaka eku utirajawituana Dio aribu eku abate. 2 Timoteo 3:1-5 teribu.

Oko Dio akarata teribukitane ja Dio isia naminakitane. Dio akarata rima yakeraja jabatajakutai monuka, anobotomo saba. Dio akarata dibia katukane ama oko oriwakakuna dakate dibia sina oko nonakitane ja jobaji arai are jamejerei. Iji Dio akarata teribukore warao eraja oriwakanaja jate. Tamaja kwayabakore, aruanera tanaka jau, naoyakutai yakera jate. Lucas 6:22, 23; Emusabataja 14:6, 7 teribu.