Parte 3
Awajiabara katukane Adán Eva tane ubabuae?
Dio Adán Eva tane kokotuka yakeraja moae (Awajiabara 1:28)
Jeoba tira isaka awajiabara nonae Adán saba moae, tai a wai Eva. Atira tane (Awajiabara 2:21, 22).
Dio Adán Eva nonae, tatuma a obojona tejo yakeraja.
Edén jobaji yakera sia jae, tatuka jatanae namuna eraja, domotuma eraja jana isaka. Adán Eva tatuka ubabuae.
Jeoba tatuma isiko dewaranae tane inaminae. Tatuma yakeraja are ubakitane obonobuajakore, Dio aribu nokokitane jatanae.
Dio tatuma inatabae namuna isaka akuaja najoronakamejerei (Awajiabara 2:16, 17)
Mejokoji isaka Dio dibunokonaka tanae. Tai mejokoji asiraja, awai Satanás, tai Diablo.
Edén eku namunatuma eraja jatanae. Dio tatuma isia dibunae, tamaja namuna isaka akuaja najoronaka jakotu. Najorokore, wabate.
Satanás obononaja tanae tatuma Jeoba isia dibunokoyaja. Juba sabasabamo Eva isiko dibunae namuna akuaja najorokore, Dio namuna inatabae kotai najoronakamejerei, wabanaka jate. Satanás Eva isia dibunae Dio monuka jate. Tonaira! (Awajiabara 3:1-5).
