INAMINA 02
Biblia yawaka yakeraja ka moaya
Ina kokotukanea eku waraotuma ekumoniraja, obonobu eraja, aji tane kuayabaya. Ijiwite tane kuayabanaera?. Ama iji waba majayakutaisi kuare sanamatakuna, o jidaisa kuana obonoyakutai wabajame. Iji oridenokokunara, ya jisaka tamaja kokotuka ekoratera? Denoko diboto Biblia eku teribukore, kaobonobu kaobojona yakeraja bajia.
1. Katukaja Biblia yawakamejerea?
Biblia emija katukeme asirajawitu ina kokotukanea eku kuayabaya, rakate de yakera kaenokoya tamaja asirajakutai are saba bajinatate, jakewitu ekorate. Dibu Biblia ekumo ji “moaya naoyakutai eku yakeraja wakakitane”. (Jeremías 29:11, 12 teribu.) Tai dibu kasanetaya ama asiraja kuayabakore kaobojona yakeraja jakitane, rakate are oriwakane ubakitane isia kaobojona abamejerea.
2. Biblia naoyakutai isia, katukane dewaraya?
Biblia tamaja isia dewaraya: naoyakutai eku waraotuma “atanejese wabanaja, onanaja, yaonanaja. Aji ekirate” (Emusabataja 21:4 teribu). Asanatuma, waraotuma daisa isanayakutai, waba majayakutai, tai kokotuka kaisanamatayakutai ekorate. Biblia dibia waraotuma jobaji yakerajawitu arai oriwakane are ubate.
3. Naoyakutai isia, katukane Biblia kasanetate isia kaobojona abakitane?
Warao eraja wakaya asira jakutai kuayabamejerei. Tiarone katukakore eku nakakitia jakutai, tai naminanaja. Biblia isia tane kuayabanaja. Oko aribu isia nome abakuna “yaorane Jabataja eku najabukore” (Anona 17:11) Biblia isia naminayaja, tamaja jisanetate ijiwite nome abakitane Biblia dibiakutai kaebisaba naoyakutai isia.
YAORANE NAMINAKI
Biblia naoyakutai isia dibiakutai teribuki. Miki oko yakeraja yawakayakutai katukane daisama ama sanetaubia.
4. Biblia dibia jakewitu waraotuma yakerajawitu ubate sanamata omi
Mi Biblia dibu eku nakakitia dibuajakutai. Kasikaja kuarika ji saba yakera? Katukeme?
Dibu Biblia ekumo teribukotu dibu eku nakakitia isiko. Teribune isia dewarakotu:
-
Iji obonobuyara tamaja dibu Biblia ekumo ji sanetakuna? Ji oriwarao ji musaba isia obonobu. Tatuma sanetakunara?
Ina yakerajasi eku ubayaja ijiwite ji obonobu isia mi
|
WARAO JISAKARAKATE . . . |
WARAO KOKOTUKA . . . |
|---|---|
|
|
|
|
|
|
|
|
|
|
5. Yakeraja yawakakitane Biblia kainaminayakutai kauba ibajukakuna
Ina kokotukanea eku asirajawitu kuayabayame, warao eraja ekumoniraja, orijisiraja tane ja. Kawanaya kuana yaotaya ina eku kuayabayakutai iakaratakitane. Mi katukane dibu Biblia eku ejoboyakutai kokotuka yakeraja jate isia, waraotuma sanetaya. VIDEO mikotu, denoko noika jakutai isia dewarakotu.
-
Video miajakutai eku, Rafika katukaja kuayabanae?
-
Asiraja miajakutai ekoronatanaerone, katukane Biblia tai sanetae?
Oko ekumoniraja jakore Biblia dibiakutai yakeraja yawakakitane isia kasanetaya asiraja ebika kaobojona yakeraja jamejerei. Proverbios 17:22, Roma 12:12 tane teribukore, denoko noika jakutai isia dewarakotu:
-
Biblia dibiakutai kaebisaba naoyakutai isia, ama ji uba ibajukakuna? katukeme?
WARAO KAWANA DIBIAKUTAI: “Biblia dibiakutai yakerajawituanara eku nakakitane?”
-
Dibu Biblia ekumo eku nakakitia jakore isia naminakitane obonoyara? Katukeme?
KATUKAJA NAMINAEKO
Biblia inaminaya waraotuma are oriwakane ubate. Tiame kaebisaba naoyakutai yakera mikuna, taeratane kaiabaya oko sanamatayarone.
Inamina ekijase miki
-
Katukeme waraotuma yakera yawakakore saba yakerakuna?
-
Biblia katukaja dibia yakera naoyakutai isia?
-
Ji ebisaba yakera jakutai wakakitane ama katukane ji sanetakuna?
KUARIKA NAMINAU
Kuarika naminau katukane yakeraja yawakayakutai taeratane kaiabaya.
“Esperanza: ¿dónde hallarla?” (¡Despertad!, 22 de abril de 2004)
Mi katukane yakeraja yawakayakutai warao are wabayaja jakutai sanetaya.
“¿Puede la Biblia ayudarnos a sobrellevar una enfermedad?” (Artículo de jw.org)
Tamaja video dokotu isiko nokokore, iji wite ji obonobu isia mi iji, ji oriwarao isiko, ina yakerajasi eku ubaya dijana.
Teribu katukane Biblia nona nomerajena adibotatu auba ibarinae.
“Ya no siento la necesidad de cambiar el mundo” (La Atalaya, 1 de julio de 2013)
