INAMINA 03
Biblia isia oko nome abakuna?
Biblia eku dibutuma eku nakakitia jakutai, deiri tane, ja. Iji ainamina isia naminakitane obonokuna, tiarone ji saba moina takuna isia nome abakitane. Karata nobowitu jame, aribu, adeiri tane, isia nome abakunara? Biblia dibiakutai ama oriwakane ubakitane, kaebisaba naoyakutai eku tane, isia nome abakuna? Warao eraja tai isia nome abaya. Oko jiisia dibia ijiwite naminau katukeme tatuma tane obonobuya.
1. Biblia dibuajakutai tane kuayabanaera?
Biblia dibia “dibutuma nomewitu, nomerajawitu jabatae tiaja” eku ja (Eclesiastés 12:10). Dewaraya kuayabanae tiaja isia, waraotuma ebe ubabuaja isia tane. (Lucas 1:3; 3:1, 2 teribu.) Anaminamo dibu moaya tamaja kuayabanae tane isia: asinarija, katukakore, waraotuma sina, kasabuka tane Biblia taisi isia dibia.
2. Biblia ebe jabataerone, katukeme oko isia nome abaya?
Biblia dewaraya ebe waraotuma naminanajakutai isia. Sita abane, Biblia jabatakore naminamo ebe ubaubuajakutai dibunae nomeana jakutai jobaji isia. Tiarone, anaminamo amatukamo dibia: Biblia dibuajakutai jobaji isia, tai nome. Biblia aribu “are nomewitu; ama, are saba tane.”—Salmo 111:8.
3. Katukeme kaobojona abaya Biblia dibiakutai kaebisaba naoyakutai isia?
Biblia naoyakutai isia dewaraya. Enokoyaja “mate kuayabamoana jakutai isia”. (Isaías 46:10) Ebeatamo akuayabana ebisabuka isia nomewitu dibunae. Ama nomerajawitu daina eku kuayabajakutai isia dewaraya. Tamaja Inamina 3 eku, dibu Biblia ekumo nakayakutai isia dewarate. Kaikawitu eku nakajame, kaobojona yakeraja bajete!
YAORANE NAMINAKI
Miki ama anaminamo mibuajakutai Biblia dibiakutai orimonuka, dibu Biblia ekumo eku nakakitane isia naminaki rakate.
4. Anaminamo dibia Biblia eku dibiakutai tai nome
Ebeataya waraotuma nome abanae jobaji yawatanuka arai jakutai isia. VIDEO mikotu.
Naminau Job akarata eku jabatajakutai joira 3500 ebeatamo. Job 26:7 teribukore, denoko noika jakutai isia dewarakotu:
-
Katukeme joetane kaiabaya Biblia dibiame “ekirajasi arai” batokonae tia?
Naja ebone yiwarakore, jokoji jo ijitane kuai konaria. Ajaka joko eku ikuatane, naja monuka ekijase nakaya. Waraotuma tai isia yaorane naminae joira 200 ebeatamo. Tiarone, amena Biblia joira 3000 kuarika ebeatamowitu dijana isia dibuane tiakore. Job 36:27, 28 teribukore, denoko noika jakutai isia dewarakotu:
-
Iji katukaja obonobia Biblia dibiakutai jo abajibaji isia?
-
Versículo Biblia ekumo iji teribuajakutai ji sanetayara kuarika Biblia isia nome abakitane?
5. Biblia dibunae kuayabanae tiaja isia
Isaías 44:27–45:2, teribune, video mine, taitane denoko noika jakutai isia dewarakotu:
-
Biblia katukaja dibunae janokoina Babilonia isia joira 200 akuayabana ebisabuka?
Ama tamaja isia obonobukotu, kuayabanae tiaja anaminamo dibia: joira 539 Jesukirito ebika, airamo Persia atamo awai Ciro aorikubamo isiko nojaba jisaka Babilonia sibajiakutai iwajanae. Iwajane Babilonia akojo ijakanae tane mibuae. Tiame yarubuae orikubanaka tane. Joira 2.500 kuarika kuayabaerone, Babilonia mate ekoronae tiaja ja. Ama mi Biblia dibiakutai tamaja isia.
Isaías 13:19, 20 teribukore, denoko noika jakutai isia dewarakotu:
-
Katukane tamaja dibu eku nakae?
Babilonia ajokonamuwitu bajibuae janokoina Irak tata
6. Biblia dibunae ama kuayabaya jakutai isia
Biblia dibia ama oko “ya ayajuata” eku ubaya (2 Timoteo 3:1) Mi tai dibuajakutai tamaja isia.
Mateo 24:6, 7 teribukore, denoko noika jakutai isia dewarakotu:
-
Biblia katukaja dibunae ya ayaju isia?
2 Timoteo 3:1-5 teribukore, denoko noika jakutai isia dewarakotu:
-
Biblia dibuajakutai monuka, katukaja waraotuma jakitia ya ayajuata eku?
-
Versículo teribuajakutai eku, nona kasikaja iji mija?
WARAO KAWANAYA DIBIAKUTAI: “Biblia, warao aobonobu. Inamina nomeana inaminaya”
-
Inamina kasikaja ji sanetaya kuarika Biblia isia nome abakitane?
KATUKAJA NAMINAEKO
Anaminamo, kuayabanae tiaja jakutai, dibu Biblia ekumo nakajakutai tane, emija oko Biblia isia nome abakuna
Inamina ekijase miki
-
Biblia nona nomeraja isia dewaraya? o de nomeana isia dewaraya?
-
Katukane anaminamo emija Biblia dibiakutai tai nome?
-
Iji nome abayara Biblia dibiakutai mate kuayabamoana jakutai isia? Katukeme iji tane obonobuya?
KUARIKA NAMINAU
Anaminamo aribu ekia, Biblia warayakutai tai nome
“Concuerda la Biblia con lo que ha descubierto la ciencia?” (Artículo de jw.org)
Katukaja ka emija oko “ya ayaju” eku ubaya
“Seis profecías bíblicas en pleno cumplimiento” (La Atalaya, 1 de mayo de 2011)
Mi katukane dibu Biblia ekumo Grecia akobieno isia eku nakae.
Mi katukane dibu eku nakajakutai Biblia ekumo nibora sanetae Biblia isia nome abakitane.
