Inamina jisaka jisaka ekumo katukane oko kuarika naminakuna
Tamaja karata sanetatu jisaka isiko teribu: Iji tane nonakuna ebiaja warao tamaja karata ji moajakutai o ebiaja internet isia, jw.org eku.
DEWARA AWAJIABARA
Ekumo dibutuma kokotuka teribu. Denokotuma sinarijae tiaja ja (A) Versiculotuma anau tane (B) dibu ayakaremo isia dewaraya. Mi versiculotuma awere dibu ejoboya teribumejerei.
DEWARA MANAMO
Dibutuma awajiabara “Yaorane naminaki” eku (C) dibia inamina naoyakutai isia. Dibutuma sinarijae tiaja (D), dibu ayakaremo dibia. Versiculotuma teribu, denokotuma diboto dibanu, videotuma mi (E).
Sitatuma, arakate dibu awere isia ejoboyakutai, yaorane naminau (F), taitane obonobu katukane diboto dibakuna “Warao kawana dibiakutai” (G).
DEWARA DIJANAMO
“Katukaja naminaeko”, “Inamina ekijase miki” tatuka inaminatuma yiwaraya (H). Tamaja inamina ayiwara asinarija jabatau. Noika dibiakutai “Ijiwite tamaja nonakuna” (I), eku deiri mite ji sanetate jakutai kuarika naminakitane. Inamina “Kuarika naminau” (J) eku, karatatuma video tane ji sanetakuna jakutai mite.
Katukane dibu Biblia ekumo najabuya
Awajiabara karata awai (A), taitane capítulo (B) versiculotuma (C) tane. Sita abane, Juan 17:3 dibakitane obonoya Juan akarata capítulo 17, versículo 3.