“Jabataja kokotuka Dio isimo.” (2 Timoteo 3:16, Ajute Jiro.)

Dio akarata eku denoko eraja isia naminate yakeraja saba. Ama denoko eraja ja, Dio akarata ka diboto dibia tamaja denokotuma isia​—(Proverbios 2:1-5).

Dio akarata eku dibu yakera ja ka sanetate tia, yakeraja ubakitane (Salmo 119:105).

Oko wakate kokotuka yakeraja naoyakutai​—(Roma 15:4).

Nome, tamatika iji dibu dijanamo mite:

• Tamaja karata oridiboto dibunaja. Nibora 40 Dio  akarata jabatabuae. Joida katamona kuayabanae Dio  akarata yiwarakitane? Joida 1600 kuayabanae. Tatuma kokotukayana oriminatanaerone, tamaja karata oridiboto dibunaja, obojona isakawitu ja.

• Jabatamo nomewitu are jabatabuae. Jabatamo ajanokoina anona asiraja jabatanaja, tiarone Dio akarata ajabatamo tatuma anona asiraja ajanokoina anona asiraja jabatabuae (2 Crónicas 36:15, 16; Salmo 51:1-4).

• Jabataja kokotuka are eku abaya. Joida 700 ebikamo Jesu mate diawaranajakorese, Dio aribu dibunae tamaja dijawarate janokosebe sanukiraja eku awai Belen, ina Judea tata (Miqueas 5:2). Ama kasaba Jesu dijawarae? Tatuka Belen eku (Mateo 2:1, 3-9).

  Dibu eraja Dio akarata dibiakutai arakate kokotukawitu eku abanae. Tiame oko nome abaya tamaja Dio isimo! (2 Pedro 1:21).