If any Jehovah Witness stop to preach and go meeting, other Jehovah Witness no de avoid the person. Instead, we de encourage them and help them make their love for God strong.

 Even if person do something wey really bad, e no mean say they go just disfellowship the person. But if any Jehovah Witness continue to break the law wey dey Bible and e no repent, they go disfellowship the person and start to avoid-am. Bible talk-am clear say: “Remove wicked person from among wunaself.”​—1 Corinthians 5:⁠13.

 What if they disfellowship person, but other people for e family still be Jehovah Witness? Even though say e no be Jehovah Witness again, e still be part of the family. E family members go continue to love and respect-am as them de do before.

 People wey they don disfellowship fit still come our meeting. If they like, they fit still ask the elders for the congregation to help them. The elders go help because they really want help the person wey they disfellowship to change and start to worship God again. If person wey they disfellowship stop to do bad things and show say e really want do wetin Bible talk, they go accept-am as Jehovah Witness again.