Irma de live for Germany. E don almost reach 90 years old. After e get two serious accident and do operation plenty times, e no fit preach from house to house again as e de do before. Now, na letter Irma de write to e family people and other people to preach to them about Jehovah. People de really like-am when Irma send letter to them to encourage them or to comfort them when their person die. Them de always call Irma for phone to ask when e go send them another letter. Many people de write letter to thank Irma and to talk say they go like to receive e letter again. Irma talk say, “All this things de make me happy and e de help me continue to do my work for Jehovah.”

 Irma still de send letters to plenty old people. E talk say: “One old woman call me and tell me say the time wey e husband die, my letter really encourage-am. The old woman de keep the letter for e Bible and e de always read-am for evening. Another woman, wey e husband die, talk say my letter don help-am even pass the preaching of e pastor. E get plenty questions to ask and e ask if e fit come visit me.”

 E get one woman wey e know Irma. The woman no be Jehovah Witness. E de live near Irma before but later pack go far place. E tell Irma say e go like to de get e letters. Irma talk say “The woman keep all the letters wey e don get from me. After e die, e daughter call me for phone. E tell me say e don read all the letters wey I be send to e mama and ask say e too go like to de get my letters.”

 Irma de really enjoy preaching. E talk say, “I beg Jehovah to continue to give me power to serve-am. Even though say I no fit de go preach from house to house again, I de do wetin I fit do.”