One day Bob de drive for Alberta, Canada, the speed wey e use drive na 100 kilometer per hour (60 mph). Everywhere cold and strong breeze de blow, when the back tyre of e motor just burst. Bob no know say something like that happen, so e just continue to drive. Na five kilometers (3 mi) remain before e go reach e house.

 For the letter wey Bob write to the Kingdom Hall of Jehovah Witness for that area, e explain wetin happen after: “Five young people inside one car drive near my car and they wind down their window. They tell me say my tyre don burst. I park and they park too and they tell me say they go help me change-am. I no even know if I get another tyre or if I get jack to raise my motor up. I sitdown for the side of the road for my wheelchair, they go under my car and they see the spare tyre and the jack, and they help me change the tyre. Everywhere cold and snow de fall. They dress fine, but they no mind to help me change the tyre, and I continue to drive again. I for no fit do this one by myself.

 “I want tell the five young people wey help me thank you. They be dey for road because they want go preach. This young people de really do the things wey them de teach. If to say they no help, e for really hard me that day, so I de really thank them. E just be like say God send this young people like angels to come help me that day.”