Romans 16:1-27
16 I want make una know Phoe′be our sister, wey be servant* for the congregation wey dey Cen′chre·ae.
2 With this one, una go fit welcome-am as person wey de follow the Lord just like una, for way wey una suppose welcome the holy ones. And make una help-am for any way wey e need help, because e still don prove say e be person wey de help* many people, and I dey among them too.
3 Help me greet Pris′ca and Aq′ui·la, wey I de work together with for Christ Jesus.
4 Them don put their life* for danger for me,* no be only me de thank them, but all the congregations of the nations still de thank them.
5 And still greet the congregation wey dey their house. Greet my dear E·pae′ne·tus, wey dey among the first people* from Asia wey start to follow Christ.
6 Greet Mary, wey don work hard for una.
7 Greet An·dron′i·cus and Ju′ni·as, wey be my family people and wey be dey prison with me. Them be men wey the apostles know well and wey don dey as one with Christ for long time pass me.
8 Help me greet Am·pli·a′tus, my dear brother for the Lord.
9 Greet Ur·ba′nus, wey de work with us for Christ, and my dear Sta′chys.
10 Greet A·pel′les, wey de really do well for Christ. Greet people from the house of A·ris·tob′u·lus.
11 Greet He·ro′di·on, my family person. Greet people from the house of Nar·cis′sus wey de follow the Lord.
12 Greet Try·phae′na and Try·pho′sa, women wey de work hard for the Lord. Greet Per′sis, our dear sister because e don work hard for the Lord.
13 Greet Ru′fus, the person wey the Lord choose, and greet im mama wey be like my own mama too.
14 Greet A·syn′cri·tus, Phle′gon, Her′mes, Pat′ro·bas, Her′mas, and the brothers wey dey with them.
15 Greet Phi·lol′o·gus and Julia, Ne′reus and im sister, and O·lym′pas, and all the holy ones with them.
16 Make una greet each other with holy kiss. All the congregations of Christ greet una.
17 Now my brothers, I de advice una say make una de watch people wey de make other people divide and wey de make people fall. This things dey against the things wey una don learn. Make una run from them.
18 This kind men na slaves to the things wey de hungry them,* but no be slave of our Lord Christ. Them de use sweet mouth and de overpraise people, to deceive* people wey dey innocent.
19 Everybody don know say una be people wey de obey, and so I really happy because of una. But I want make una get sense for good thing, but make una dey innocent for bad thing.
20 And small time, the God wey de give peace go put Satan under una authority* and destroy-am. Make the special favor of our Lord Jesus dey with una.
21 Timothy, wey I de work with, de greet una. Lucius, Ja′son, and So·sip′a·ter, wey be my family people de greet una too.
22 Me, Ter′tius, wey write this letter, still de greet una as person wey de follow the Lord.
23 Ga′ius, wey I dey im house and wey the whole congregation de meet for im house, de greet una. E·ras′tus, wey de handle money matter for the city* de greet una, and Quar′tus im brother de greet una too.
24 *——
25 God go fit use the good news wey I de preach and the preaching about Jesus Christ to make una strong. God don use the holy secret to show people this message wey don hide long-long time ago.
26 But now, God don show-am to us and make us know-am through the things wey e use the prophets talk for im Word. Our God wey de live forever don command say make all the nations know the message so that them go de obey because of faith.
27 Make God, the only Person wey get sense, get the glory through Jesus Christ forever. Amen.
Footnotes
^ Or “minister.”
^ Or “defend.”
^ For Greek na, “their own neck.”
^ Or “my soul.”
^ Or “wey be firstfruits.”
^ Or “to their belle.”
^ Or “deceive the heart of.”
^ Or “feet.”
^ Or “wey be the city servant.”
^ This verse no dey for the first-first manuscripts, so e be like say e no be part of God Word.
