The book Bible Portions Wey Fit Help Christians go make-am dey easy for you to find Bible verses and Bible story them wey go help you manage the different-different problems wey you de face. E go still help you find the right Bible verses wey you fit use encourage other people and help them make better decisions wey go make Jehovah happy. Just choose the topic wey you like. Each topic get questions and short Bible story wey fit help you. (Check the box “ How to Use This Book”) You go find Bible verse wey fit give you the advice and the comfort wey Bible de give. And you go still see better-better advice from Bible wey you fit use to help and encourage other people.

No be all the scriptures wey talk about each topic dey this book. Them arrange-am to help you get better Bible verse wey fit help you, but you fit still do more research from other book to know more. (Pr 2:​1-6) To learn more, use the marginal references and the study notes for the New World Translation of the Holy Scriptures. You fit still use Research Guide for Jehovah’s Witnesses or the Watch Tower Publications Index to really understand the meaning of any Bibe verse and the different-different way wey we fit use-am. Since the way we understand some Bible truth fit change, de always check the new-new publication to get the new understanding.

Make Bible Portions Wey Fit Help Christians help you get sense from Bible, know wetin Bible de teach and really understand-am well. As you de use this book, you go really dey sure say “the word of God dey alive and e get power.”—Heb 4:12.