1. Na who give us life?

JEHOVAH na “the living God.” (Jeremiah 10:10) Na Jehovah make us and na e give us life. Bible talk say: “Na you make everything. Everything dey because you want-am make e be like that.” (Revelation 4:11) The truth be say, Jehovah want make we get life. Life na special gift wey e give us.​—Read Psalm 36:9.

2. Wetin we go do if we want succeed for life?

² Jehovah give us things wey we need to dey alive, like food and water. (Acts 17:28) But apart from this one, e want make we enjoy life. (Acts 14:15-17) If we want succeed for life we must obey the law of Jehovah.​—Isaiah 48:17, 18.

3. Wetin Jehovah do when Cain kill Abel?

³ Bible tell us say our life and the life of other people dey important to Jehovah. For example, Cain na Adam and Eve first pikin. E start de vex for e small brother, Abel. Jehovah be warn Cain say make e control e temper but e no listen. E vex sotey e kill e brother. (Genesis 4:3-8) Jehovah punish Cain for this bad thing wey e do. (Genesis 4:9-11) So e no good make we de vex or hate people because e fit make us do bad things. If person de do bad thing, e no go get life wey e no go end. (Read 1 John 3:15.) If we want make Jehovah happy, we must try to love everybody.​—1 John 3:11, 12.

4. Wetin one of the law for the Ten Commandment teach us about life?

 ⁴ After plenty years, Jehovah still show people say life dey important. E show-am for the Ten Commandment wey e give Moses. One of the commandment talk say: “Make you no kill.” (Deuteronomy 5:17) If person kill another person, and e no be mistake, they go kill the person.

5. How Jehovah de see-am if person remove belle?

⁵ How Jehovah de see-am if person remove belle? The life of pikin wey e dey inside belle dey important for Jehovah. For the law wey Jehovah give people for Israel, e talk say if anybody nack woman wey e get belle, and the pikin die, they go kill the person. (Read Exodus 21:22, 23; Psalm 127:3.) This one teach us say to remove belle na bad thing.​—Check Endnote 28.

6, 7.  How we fit show Jehovah say we value life?

⁶ How we fit show Jehovah say we value our life and the life of other people? Na when we no de do anything wey e fit put our life and the life of other people for danger. We no go de smoke, take snuff, or use hard drugs because they fit destroy our body or even kill us.

⁷ The life and body wey we get come from Jehovah, so e good make we use-am the way e want. So make we take care of our body. If we no do like that, Jehovah go see us as dirty people. (Romans 6:19; 12:1; 2 Corinthians 7:1) We no fit talk say we de serve Jehovah, wey e give us life, if we no de see life as something wey e dey precious. Even though say e dey hard  to stop bad habit, Jehovah go help us if we try stop-am because we value life.

8. Wetin we go do make we no put our life and the life of other people for danger?

⁸ We don learn say life na important gift. Jehovah know say we go do our best make we no put our life and the life of other people for danger. We go do this one when we de drive motor, bike, or any other vehicle. We no go put hand for any kind sport wey fit put our life for danger. (Psalm 11:5) We go try our best make our house dey safe. Jehovah be command people for Israel say: “If you build new house, make you put small fence round the roof, so that person no go fall and blood no go dey your head.”​—Deuteronomy 22:8.

9. How we go treat animals?

⁹ Even the way we de treat animal dey important to Jehovah. Jehovah allow make we kill animal as meat or for cloth. E still allow us de kill animal wey fit put our life for danger. (Genesis 3:21; 9:3; Exodus 21:28) But we no go just do animal bad or kill-am for nothing.​—Proverbs 12:10.

10. How we know say blood stand for life?

¹⁰ Blood dey holy for Jehovah because e stand for life. After Cain kill Abel, Jehovah tell Cain say: “The blood of your brother de cry to me from ground.” (Genesis 4:10) The blood of Abel mean e life, na this one make Jehovah punish Cain as e kill Abel. After the heavy rain wey e fall for the time of Noah, Jehovah show-am again say blood stand for life. Jehovah  allow Noah and e family make they chop animal. E talk say: “Wuna fit chop any animal wey e dey alive. I don give wuna, just as I don give wuna all the plant.” But e warn them say: “Wuna go chop only the flesh, but make wuna no chop the blood.”​—Genesis 1:29; 9:3, 4.

11. Na which command God give the people for Israel about blood?

¹¹ About 800 years after Jehovah tell Noah make e no chop blood, e tell the people of Israel say: “If any Israelite or stranger for wuna land go hunt animal, and e catch animal or bird wey e fit chop, make e pour the blood of the animal for ground and cover-am with sand.” And e still talk say: “Make wuna no chop the blood.” (Leviticus 17:13, 14) Jehovah want make e people see blood as something wey e dey holy. They fit chop meat but no be the blood. So if they kill animal they must pour the blood for ground.

12. How Christians de see blood?

¹² Some years after Jesus die, the apostles and the elders for the congregation wey e dey Jerusalem gather together. They meet to talk about the part of the Law wey Jehovah give Israelite wey Christian need to follow. (Read Acts 15:28, 29; 21:25.) Jehovah help them understand say e still value blood, and they need to see-am as something wey e dey holy. So Christians for the time of the apostles no de chop blood or meat wey blood no comot from e body. For their eye, person wey e chop blood be like person wey e de serve idol or person wey e put hand for sex wey e bad. From that time, true Christian no de chop  or drink blood. What about this our time? Jehovah still want make we see blood as something wey e dey holy.

13. Why true Christian no go take blood?

¹³ This one mean say Christian no go take blood? Yes. Jehovah command us say make we no chop or drink blood. If doctor tell you say make you no drink alcohol, you go inject-am put for your body? No. Na so e still be with blood. When God say make we no chop or drink blood, e mean say we no go take blood.​—Check Endnote 29.

14, 15. Wetin we go do if doctor talk say make we take blood, and why?

¹⁴ Wetin we go do if doctor talk say we go die if we no take blood? Na our hand e dey to choose whether we go obey Jehovah or take blood. We value the life wey God give us, and we ready to look for other ways to treat ourself; but we no go take blood.

¹⁵ We de try our best to dey strong, but because blood mean life and e dey important to Jehovah, we no go take-am. E better to obey Jehovah than to do the thing wey Jehovah hate because we no want die. Jesus talk say: “Any person wey e want save e life go lose-am, but anybody wey lose e life because of me, go get-am back.” (Matthew 16:25) Because we love Jehovah, we go do the thing wey e talk. E know the thing wey good for us. Like Jehovah, make we value life and see-am as something wey e dey holy.​—Hebrews 11:6.

16. Why Christian de obey Jehovah?

¹⁶ Servant of Jehovah ready to obey Jehovah for  the matter wey e concern blood. They no go chop or drink blood, and they no go take blood no matter wetin happen. * They go look for other ways to treat theirself. They know say Jehovah, the God wey make life know the thing wey e good for us. You believe say Jehovah know the thing wey e good for you?

17. Na for which way Jehovah allow make people for Israel use blood?

¹⁷ For the Law wey Jehovah give people for Israel, e talk say: “The life of animal dey inside the blood, and I don put-am for altar, so that wuna go fit get forgiveness for wuna sin, because na the life wey e dey inside the blood de make wuna get forgiveness.” (Leviticus 17:11) When people for Israel sin, they fit sacrifice animal, and the priest go pour some of the blood for the altar. Them de do like this make Jehovah forgive them. This one na the only way Jehovah allow make the Israelites de use blood.

18. Na how the sacrifice of Jesus fit help us?

¹⁸ When Jesus be come this earth, e sacrifice e life or blood to free us from sin. Na e make they stop de use animal for sacrifice. (Matthew 20:28; Hebrews 10:1) After Jesus resurrect, e give Jehovah the value of e life. Na e make Jehovah fit give us life wey e no go end.​—John 3:16; Hebrews 9:11, 12; 1 Peter 1:18, 19.

19. Wetin we go do if we want “dey free from the blood of all people”?

 ¹⁹ We thank Jehovah for the life wey e give us. Na this one make us de tell people say if they put faith for Jesus, they go live forever. We really love people, and we want do everything to help them get life. (Ezekiel 3:17-21) This one go make us fit talk like apostle Paul. E talk say: “I dey free from the blood of all people, because I no stop to tell wuna all the things wey God want.” (Acts 20:26, 27) The truth be say, if we really value life and blood, we go tell people about Jehovah and the way e value life.