How you fit really gain from this Bible lessons
First check wetin they write to explain how this book be, and then play the VIDEO.
FIRST PART
As you de prepare for each lesson, read the first part. The questions wey they write for bold (A) and Bible verse (B) de show the important points. Know say some Bible verse dey wey they write “read.”
MIDDLE PART
The first thing wey they write (C) under Learn More Things de explain wetin this part go talk about. The small-small topics (D) de help us see the main points. With your Bible teacher, read the Bible verse them, answer the questions, and watch the videos.
VIDEO and AUDIO for the lesson de help us to really understand wetin we de learn. Some videos de show things wey really happen. They act other videos, but them de show things wey de happen for life.
Check the pictures well and the things wey they write for under the picture (E), and think of how you go answer the question under the part Some People De Talk Say (F).
LAST PART
Na Wetin This Lesson Teach and Wetin You Don Learn (G) end the lesson. Write the date wey you finish the lesson. The small topic Wetin You Fit Plan to Do (H) de tell you wetin you fit do to continue to learn. Under Learn Other Things (I) you go see other things wey you go like to read or watch.
How you fit see the Bible verse wey you want read
Bible get 66 small-small books. They divide Bible for two parts: the first part na the Hebrew-Aramaic Scriptures (“Old Testament”) wey they be write for Hebrew and Aramaic language and the second part na the Christian Greek Scriptures (“New Testament”) wey they be write for Greek language.
The way them de write Bible verse na, first, they go start with the name of the Bible book (A), the next one na chapter (B), and then the verse or verses (C).
For example, John 17:3 mean the Bible book of John, chapter 17, verse 3.
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
