LESSON 01
How Bible Fit Make Your Life Better?
Almost everybody get question about life, why we de suffer, why we de die, and how our future go be. We still de think about how we go solve the problems wey we de face everyday, like how to get enough money to buy wetin we need and how to make our family happy. Plenty people don see say Bible de help them get answer to important questions about life and e still de give them better advice wey they fit follow everyday. You think say Bible fit help anybody wey you know?
1. Wetin be some questions wey Bible de answer?
Bible de answer important questions like: How life start? Why we dey this earth? Why people de suffer? Wetin de happen when person die? If everybody really want peace, why war dey everywhere? Wetin go happen to this earth for future? Bible de tell us say make we de ask this kind questions, and plenty people don see say the answers from Bible de really help them.
2. How Bible fit help us enjoy life everyday?
Bible de give us better advice. For example, e de teach families how they fit really dey happy. E de tell us wetin we fit do when problem don de make us tire and how we fit enjoy our work. You go learn wetin Bible de teach about this topics and plenty other things as we de discuss this book together. You go learn say “everything wey them write inside Bible” fit help you.—2 Timothy 3:16.
This book no replace Bible. Instead, e de encourage you make you check wetin Bible de teach. We de encourage you make you read the Bible verse them for this lessons and compare-am with wetin you de learn.
LEARN MORE THINGS
Learn how Bible don help people, how you fit enjoy to read Bible, and why e good make person help you understand Bible.
3. Bible fit guide us
Bible be like light from torch wey de really shine. Bible fit help us make better decisions and e fit tell us wetin go happen for future.
Read Psalm 119:105, and talk about this questions:
-
How the person wey write this psalm see Bible?
-
Wetin you think about Bible?
4. Bible fit answer our questions
One woman see say Bible answer important questions wey e don de think about for plenty years. Play the VIDEO, and talk about the questions for under.
-
From the video, which kind questions this woman get?
-
How the woman gain when e study Bible?
Bible de encourage us make we de ask questions. Read Matthew 7:7, and talk about the question for under:
-
Which questions you get wey Bible fit help you answer?
5. You fit enjoy Bible Reading
Plenty people de enjoy to read Bible and e de help them. Play the VIDEO, and talk about the questions for under.
-
From this video, how the young people de feel about to read?
-
Even as they no like to read, why they like to read Bible?
Wetin Bible de teach fit comfort us and give us hope. Read Romans 15:4, and talk about this question:
-
You go like to know more about the promise say Bible de comfort and give us hope?
6. Other people fit help us understand Bible
Even as people de read Bible by theirself, plenty people don see say when person discuss Bible with them, e de help them to understand-am. Read Acts 8:26-31, and talk about this question:
-
How we fit understand Bible?—Check verse 30 and 31.
The man from Ethiopia be need help to understand wetin e de read from the Scriptures. Plenty people today don see-am say when person discuss Bible with them, e de help them to understand
SOME PEOPLE DE TALK SAY: “To study Bible na waste of time.”
-
Wetin you go talk? Why you talk like that?
WETIN THIS LESSON TEACH
Bible de give us advice wey we fit follow everyday, e de answer important questions and de give people comfort and hope.
Wetin You Don Learn
-
Which kind advice Bible de give us?
-
Wetin be some questions wey Bible de answer?
-
Wetin you go like learn from Bible?
LEARN OTHER THINGS
Learn how Bible de give us better advice today.
See how Bible help one man wey de struggle with bad feelings from when e still dey small.
Learn about the better advice wey Bible get for family.
“12 Things Wey Family Fit Do to Dey Happy” (Awake! No. 2 2018)
Plenty people no know the truth about who de really rule this world, learn wetin Bible talk about this one.
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
