LESSON 03
You Fit Trust the Bible?
Bible promise plenty things and give plenty advice. E fit be say you want really know wetin Bible de teach, but you still want dey sure say wetin you de learn na the truth. You fit trust the advice and plenty promise from this old book? You fit really believe wetin Bible talk, say we go enjoy life now and for future? Millions of people believe wetin Bible de talk. We want make you check for yourself whether Bible de really talk true.
1. The stories for Bible really happen?
Bible talk say wetin they write inside-am na “correct words” of truth. (Ecclesiastes 12:10) E de talk about things wey happen for real life and e still talk about real people. (Read Luke 1:3; 3:1, 2.) Plenty people wey de write or study about things wey don happen before talk say, the dates, the people, the places, and the things wey Bible talk about dey correct.
2. Why we talk say we fit gain from Bible even though say na old book?
Plenty times, Bible de mention things wey people no know for the time wey they write-am. For example, e mention things about science. For the time wey they write Bible, plenty people no believe the things wey Bible talk about science. But today, science people don see say the things wey Bible talk dey correct. “We fit trust [Bible] all the time, now and forever.”—Psalm 111:8.
3. Why we fit trust wetin Bible talk about the future?
Bible get plenty prophecy a about “things wey they go happen” for future. (Isaiah 46:10) Bible talk about plenty things long time before they happen. E still mention plenty things about wetin go de happen for this world today. For this lesson, we go learn about some of this things wey Bible talk. The way this thing them happen just as Bible talk, de really touch us!
LEARN MORE THINGS
Learn about how wetin science people de talk today agree with wetin Bible de talk, and check if some things wey Bible talk about the future really happen.
4. The things wey science people talk agree with wetin Bible talk
For past, plenty people believe say this earth de stand ontop something. Play the VIDEO.
See wetin they write for the book of Job about 3,500 years ago. Read Job 26:7, and talk about this question:
-
Since Bible talk say God “no use anything hold the earth,” why this one fit surprise person?
Na just about 200 years ago wey science people understand the way water de move go up and down so that water no de finish for this earth. But, see wetin Bible don talk about 3,500 years ago. Read Job 36:27, 28, and talk about this questions:
-
Wetin really touch you about the simple way wey Bible talk about how water de move go up and down for this earth?
-
This Bible verses wey you just read de make you trust Bible more?
5. Bible talk important things wey go happen
Read Isaiah 44:27–45:2, and talk about this question:
-
Which important things Bible talk about 200 years ago before Babylon fall?
People wey de write about things wey don happen before agree say na King Cyrus of Persia, and e soldiers win Babylon for 539 B.C.E. b One big river de protect this city, but Cyrus and e soldiers dig one place for the side of the river so that the water go reduce. After they don enter the city through the gate wey they no close, Cyrus and e army win the city even as they no fight. Since that time, 2,500 years don pass and nobody de stay there because e don destroy finish. Now, check wetin Bible don talk before.
Read Isaiah 13:19, 20, and talk about this question:
-
How wetin Bible talk about Babylon happen?
The way Babylon dey for Iraq today
6. Bible don talk about the things wey we de see today
Bible talk say we de live “for last days.” (2 Timothy 3:1) See wetin Bible don talk about this our time.
Read Matthew 24:6, 7, and talk about this question:
-
Which kind things Bible talk say we go de see for the last days?
Read 2 Timothy 3:1-5, and talk about this questions:
-
How Bible say plenty people go de behave for the last days?
-
Which of this way wey people de behave you don see?
SOME PEOPLE DE TALK SAY: “Bible na book of lie-lie story.”
-
Wetin really make you dey sure say we fit trust Bible?
WETIN THIS LESSON TEACH
Wetin science people and people wey de write about things wey don happen before talk, and wetin Bible don talk before, de show say we fit trust Bible.
Wetin You Don Learn
-
Bible na book wey talk about wetin really happen or lie-lie story?
-
Wetin be some things wey Bible talk wey science people agree with?
-
You think say Bible de talk wetin go happen for future? Why you answer like that?
LEARN OTHER THINGS
Wetin Bible talk about science get mistake?
Which things Bible talk say we go de see for “last days”?
“6 Things Wey Bible Don Talk De Happen Now” (The Watchtower, May 1, 2011)
Learn how wetin Bible talk about the Kingdom of Greece really happen.
Learn how wetin Bible talk about the future change the way one man de see Bible.
“Before, I No Believe Say God Dey” (The Watchtower No. 5 2017)
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
