God na love. But religions wey de claim say them de talk and do things for the name of God, don do plenty bad things. Why e be like that? The truth na say, this religions na lie-lie religions. The things wey them de do de make people believe lies about God. How them de do this one? How God de feel about this one? And wetin e go do about-am?

1. How lie-lie religion don make people believe lies about God with wetin them de teach?

Lie-lie religion don “replace the truth from God with lie.” (Romans 1:25) For example, plenty religions no de teach their members the name of God. But, Bible talk say we must use the name of God. (Romans 10:13, 14) Some leaders for religion de talk say when bad thing happen, na so God want-am. But that one na lie. God no de ever make bad things happen. (Read James 1:13.) The bad thing na say, the lie-lie wey religions de teach don make-am hard for people to love God.

2. How lie-lie religion don make people believe lies about God with wetin them de do?

Lie-lie religion no de treat people the way Jehovah de treat people. Bible talk say the sins of lie-lie religion “don gather sotey e reach heaven.” (Revelation 18:5) For plenty years, religions don put hand for politics, support war, and kill or support make they kill plenty people. Because some leaders for religion want dey rich, them de ask their members for money. All this things show say them no know God and so they no get right to talk say them de talk true about God.—Read 1 John 4:8.

3. How God de feel about lie-lie religion?

If the things wey lie-lie religion de do de make you vex, how you think say Jehovah de feel? Jehovah love people, but e de vex with leaders for religion wey de talk lies and treat their members for bad way. E promise say e go destroy lie-lie religion and “they no go ever see-am again.” (Revelation 18:21) Small time, God go destroy lie-lie religion.—Revelation 18:8.

 LEARN MORE THINGS

4. God no de accept all religions

Plenty people believe say religion be like different-different road wey all of them de lead to God. But na true? Read Matthew 7:13, 14, and talk about this question:

• How Bible talk say the road to life be like?

Play the VIDEO, and talk about the question for under.

• Bible de talk say plenty religions dey wey de do wetin God want?

 6. God want free people from lie-lie religion

Read Revelation 18:4, a and talk about this question:

• How you de feel to know say God want help people to comot from lie-lie religion?

7. Continue to learn about the true God

You suppose allow the things wey lie-lie religion de talk and do, stop you make you no learn about God again? For example, one pikin no gree obey e papa, e comot from house, and start to do bad things. The papa no support wetin e de do. Why e no go good to blame the papa for the way the boy de live e life?

• E good make you blame Jehovah for the bad things wey lie-lie religion de do and stop to learn about Jehovah?

 WETIN THIS LESSON TEACH

Lie-lie religion don make people think bad about God with the lie-lie things wey them de teach and the bad things wey them de do. God go destroy lie-lie religion.

Wetin You Don Learn

• How you de feel about the things wey lie-lie religion don teach and do?

• How Jehovah de feel about lie-lie religion?

• Wetin God go do to lie-lie religion?