LESSON 15

Who Be Jesus?

PLAY

Who Be Jesus?

Jesus na person wey plenty people don hear about. Plenty people know the name of Jesus, but they no know plenty things about Jesus. And plenty people believe different things about who Jesus really be. Wetin Bible talk about Jesus?

1. Who be Jesus?

Jesus na one strong angel for heaven. Jehovah make Jesus before e make every other thing. Because of this one, Bible call Jesus “the firstborn for everything wey God make.” (Colossians 1:15) Bible call Jesus the “only special Son” of God because na only Jesus, Jehovah use e hand make. (John 3:16) Jesus work with e Papa, Jehovah, as e help Jehovah make all the other things. (Read Proverbs 8:30.) Jesus still dey close to Jehovah. Jesus na “the Word,” this one mean say na e de tell people the message of God and de tell people wetin God want make they do.—John 1:14.

2. Why Jesus come this earth?

About 2,000 years ago, Jehovah do one miracle. E use e holy spirit carry the life of Jesus from heaven and put-am for the belle of one young woman wey e name na Mary. Mary never sleep with man before. Na like this they born Jesus as person for this earth. (Read Luke 1:34, 35.) Jehovah send Jesus come this earth to be Messiah, or Christ wey God don promise, and to save people. a All the things wey the prophets talk for Bible about the Messiah happen for Jesus, this one help people know say Jesus na “the Christ, the Son of the living God.”—Matthew 16:16.

3. Which place Jesus dey now?

After Jesus die as person, God bring Jesus back to life as angel and Jesus go back to heaven. For there, “God raise [Jesus] to high position.” (Philippians 2:9) Now, Jesus na really strong angel. Na only Jehovah get power pass Jesus.

LEARN MORE THINGS

Learn more about who Jesus really be and why e dey important to learn about Jesus.

4. Jesus no be Almighty God

Bible de teach say even as Jesus na strong angel for heaven, e de obey e God and Papa, Jehovah. Why we talk like that? Play the VIDEO to see wetin Bible de teach about how Jesus dey different from the almighty God.

VIDEO: Jesus Christ Na God? (3:22)

The Bible verses wey we go read for under, go help us understand how Jehovah dey different from Jesus. Read each of the Bible verses, and talk about the questions for under:

Read Luke 1:30-32.

Which kind person the angel talk say Jesus be to Jehovah God, “the Most High”?

Read Matthew 3:16, 17.

When they baptize Jesus, wetin the voice from heaven talk?
Who you think say de talk from heaven?

Read John 14:28.

Who old pass and get power pass to give laws for house? Papa or pikin?
As Jesus call Jehovah e Papa, wetin this one teach us?

Read John 12:49.

From this Bible verse, Jesus de think say e be the same with e Papa? Wetin you think?

5. Wetin prove say Jesus na the Messiah?

Bible don talk plenty things about the Messiah, the person wey God don choose to save people. This things wey Bible talk help people know who the Messiah go be. Play the VIDEO to learn about some of the things wey Bible talk and e happen for Jesus when e dey this earth.

VIDEO: The Things Wey Bible Talk About Jesus Really Happen (3:03)

Read this things wey Bible talk say go happen for the life of Jesus, and talk about the questions for under:

Read Micah 5:2 to learn where they go born the Messiah. b

They born Jesus for this place wey this Bible verse talk?—Matthew 2:1.

Read Psalm 34:20 and Zechariah 12:10 to learn wetin Bible talk about how the Messiah go die.

This things wey this Bible verses talk really happen?—John 19:33-37.
You think say na Jesus plan-am make all this things wey Bible talk really happen?
Wetin this one prove to you say Jesus be?

6. We go gain if we learn about Jesus

Bible talk say e really dey important make we learn about Jesus and wetin God want make Jesus do. Read John 14:6 and 17:3, and talk about this question: