LESSON 19
Jehovah Witness Them Be Real Christians?
As Jehovah Witness, we believe say we be real Christians. Why? Make we see wetin de guide our beliefs, the name wey make us dey different, and the love wey we get for one another.
1. Wetin de guide the beliefs of Jehovah Witness them?
Jesus talk say, the word of God “na truth.” (John 17:17) Like Jesus, Jehovah Witness don always allow the Word of God to guide their beliefs. For example, make we see how they do this one from the time wey they start as Bible students. Around the year 1870, one group of people start to study Bible together to check wetin the Bible really de teach. So, na wetin Bible de teach guide wetin they believe even when e dey different from wetin church de teach. After, they start to tell other people wetin they don learn from Bible. a
2. Why we de call ourself Jehovah Witness?
Jehovah de call e servants e witness because them de tell other people the truth about Jehovah. (Hebrews 11:4–12:1) For example, for Bible time, Jehovah tell e people say: “Wuna be my witness.” (Read Isaiah 43:10.) Bible call Jesus “the Faithful Witness.” (Revelation 1:5) So, for 1931, we take the name Jehovah Witness from Bible. We dey happy to bear this name.
3. How Jehovah Witness them de show the kind love wey Jesus show?
Jesus love e disciples sotey they be like e family (Read Mark 3:35.) Na the same thing with Jehovah Witness them, they be one family for the whole world. Na this one make us de call ourself brothers and sisters. (Philemon 1, 2) We still de obey the command say make we “love [our] brothers for the whole world.” (1 Peter 2:17) Jehovah Witness de show this love for plenty ways. Them de help their brothers and sisters for the whole world when they need help.
LEARN MORE THINGS
Learn more about Jehovah Witness them and see other proof say they be real Christians.
Na Bible de guide the beliefs of real Christians and them de teach other people the truth wey them don learn from Bible
4. Na Bible de guide our beliefs
Jehovah don talk-am before say as time de go, we go de understand Bible more. Read Daniel 12:4 and footnote, and talk about this question:
-
Wetin go “dey for everywhere” among servants of God as they continue to check wetin Bible de talk?
Learn about how one group of Bible students wey one of them na Charles Russell, study the Word of God. Play the VIDEO, and talk about the question for under.
-
For the video, how Charles Russell and the other Bible Students study Bible?
You know?
For some time now, we don adjust some of our beliefs. Why? As day de break, we de see place clear small-small as sun de shine come out, na so e still be with Bible truth, God de help us understand-am small-small. (Read Proverbs 4:18.) Na true say Bible no de change, but anytime wey we understand Bible truth well, we de adjust wetin we de teach.
5. We de do wetin our name say make we do
Why we take the name Jehovah Witness? Play the VIDEO, and talk about the question for under.
-
Why the name Jehovah Witness fit us?
Why Jehovah choose people make they be e witness? Because them de make other people know say na e be the true God since they don talk plenty lies about e name. Make we see just two of this lies.
Some religions de teach their members say God want make we de use idols for our worship. Read Leviticus 26:1, and talk about this questions:
-
Wetin be the truth? How Jehovah de feel about idols?
Some leaders for religion de teach say Jesus na God. Read John 20:17, and talk about this questions:
-
Wetin be the truth? God and Jesus na the same person?
-
How you de feel as you know say Jehovah don send e Witness them to preach the truth about who e be and who e Son be?
6. We love each other
Bible talk say make Christians dey together as one just the way parts of our body dey together. Read 1 Corinthians 12:25, 26, and talk about this questions:
-
Wetin real Christians suppose do when other Christians de suffer?
-
Wetin you don see about the love wey Jehovah Witness get for theirself?
When some Jehovah Witness them de suffer for one part of the earth, the other Witness de do something quick-quick to help. To see one example, play the VIDEO. And talk about the question for under.
-
As Jehovah Witness de try to help their brothers and sisters, how this one show say they get love?
Real Christians de show love to people when they need help
SOME PEOPLE DE TALK SAY: “Jehovah Witness na just one new religion”
-
Which time Jehovah start to call e servants e witness?
WETIN THIS LESSON TEACH
Jehovah Witness them be real Christians. We be one big family for the whole world, na Bible de guide our beliefs, and we de teach the truth about Jehovah.
Wetin You Don Learn
-
Why we take the name Jehovah Witness?
-
How we de treat each other?
-
You think say Jehovah Witness them be real Christians?
LEARN OTHER THINGS
Learn more about how we start.
Jehovah Witness—De Show Their Faith for Action, Part 1: From Darkness to Light (1:00:53)
See one example of how Jehovah Witness don make people see the lie-lie wey religion de teach.
Find answers to questions wey you get about Jehovah Witness.
“Questions Wey People De Ask About Jehovah Witness” (E dey for jw.org)
Stephen hate people with different skin color sotey e de attack them. Learn wetin Stephen see among Jehovah Witness wey make Stephen change.
“My Life Just De Bad More-More” (The Watchtower, July 1, 2015)
a Since 1879, Jehovah Witness don de use Watchtower to explain the truth from Bible.
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
