The main topic wey Bible de talk about na the Kingdom of God. Jehovah go use that Kingdom to make this earth Paradise. Wetin be the Kingdom? How we know say the Kingdom don de rule now? Wetin the Kingdom don do? And wetin e go do for future? This lesson and the next two lessons go answer this questions.

1. Wetin be the Kingdom of God, and who be the King?

The Kingdom na one government wey Jehovah God don arrange. The King of that Kingdom na Jesus Christ and e de rule from heaven. (Matthew 4:17; John 18:36) Bible talk say Jesus “go rule as King forever.” (Luke 1:32, 33) Since Jesus na the King of that Kingdom, e go rule over everybody for this earth.

2. Who go rule with Jesus?

No be only Jesus go rule. People from “every tribe and language and people and nation . . . go rule as kings over the earth.” (Revelation 5:9, 10) How many people go rule with Jesus Christ? Since Jesus come this earth, millions of people don become e disciples. Na all of them go rule with Jesus? No. Na only 144,000 people among them, go go heaven to rule with Jesus. (Read Revelation 14:1-4.) All the other Christians go dey for this earth under the Kingdom.—Psalm 37:29.

3. How the Kingdom of God better pass the governments for this world?

Even when rulers for this world de try to do good things, they no get the power to do everything wey they want do. After some time, other rulers wey de only de think about theirself fit replace them and no go want help people. But nobody go replace Jesus, the ruler for the Kingdom of God. God don “start one kingdom wey nothing go fit scatter.” (Daniel 2:44) Jesus go rule over the whole earth and e no go do partial for the way e de treat people. Jesus get love, e dey kind and e no de do partial. E go teach people to treat other people with love, to dey kind, and to no de do partial.—Read Isaiah 11:9.

7. The laws of the Kingdom of God better pass the laws of the governments for this world

Governments de make laws to protect the people wey them de rule and wey their people go gain from. The Kingdom of God get laws wey people wey dey under-am must follow. Read 1 Corinthians 6:9-11, and talk about this questions:

• How you think say the world go be if everybody de obey the laws wey God give? a

• You think say Jehovah get the right to tell people wey e Kingdom de rule make they obey e laws? Why you answer like that?

• Wetin show say people wey no de obey this laws fit change?—Check verse 11.

 WETIN THIS LESSON TEACH

The Kingdom of God na real government for heaven and e go rule over the whole earth.

Wetin You Don Learn

• Who be the rulers for the Kingdom of God?

• How the Kingdom of God better pass any government for this world?

• Wetin be some things wey Jehovah want make the people wey the Kingdom de rule de do?