LESSON 33
The Things Wey the Kingdom of God Go Do
The Kingdom of God don already de rule. Small time, e go really change the way things be for this earth. Make we see some of the good things wey we go enjoy when the Kingdom go don de rule this earth.
1. How the Kingdom of God go bring peace and remove partial for this earth?
Jesus, the King of the Kingdom, go destroy wicked people and governments for the war of Armageddon. (Revelation 16:14, 16) For that time, this thing wey Bible promise go really happen. E talk say: “E remain small time, and wicked people no go dey again.” (Psalm 37:10) Jesus go use the Kingdom to bring peace and remove partial for everywhere for this earth.—Read Isaiah 11:4.
2. How life go be when God go do wetin e want for this earth?
When the Kingdom of God start to rule the earth, “righteous people go stay for this earth, and them go stay inside forever.” (Psalm 37:29) Imagine say you de live for world wey everybody de do good, love Jehovah, and love each other! Nobody go sick again and everybody go live forever.
3. Wetin the Kingdom of God go do after e don destroy wicked people?
After the Kingdom don destroy wicked people, Jesus go rule as King for 1,000 years. For that time, Jesus and the 144,000 wey e go rule with go help remove sin from everybody for this earth. For the end of the 1,000 years, the earth go turn to paradise, and everybody for this earth go dey happy because them de obey Jehovah. Then, Jesus go give the Kingdom back to e Papa, Jehovah. Na that time, the name of Jehovah go really “dey holy.” (Matthew 6:9, 10) That time, e go don dey clear to everybody say Jehovah na good Ruler and e de care about e people. After, Jehovah go destroy Satan, the demons, and any other people wey no want make Jehovah rule them. (Revelation 20:7-10) This better blessings wey the Kingdom go bring go last forever.
LEARN MORE THINGS
Learn why we fit trust say God go use the Kingdom to do all the things wey Bible don promise about our future.
4. The Kingdom of God go destroy the governments for this world
“Man don rule man and bring man plenty pain.” (Ecclesiastes 8:9) Jehovah go use e Kingdom to remove partial.
Read Daniel 2:44 and 2 Thessalonians 1:6-8, and talk about this questions:
-
Wetin Jehovah and e Son, Jesus, go do to governments for this world and the people wey de support this governments?
-
From wetin you don learn about Jehovah and Jesus, how that one make you dey sure say they no go show partial and they go do the correct thing?
5. Jesus na the best King
The things wey Jesus do when e dey this earth na example of wetin the Kingdom go do. Which of the blessings wey they talk about here you really want see? Read the Bible verses after each blessing and they go help you learn more about the blessing.
|
WHEN JESUS DEY THIS EARTH . . . |
FROM HEAVEN, JESUS GO . . . |
|---|---|
|
|
|
|
|
|
|
|
6. The Kingdom of God go bring wonderful future
The Kingdom of God go give people the kind wonderful life wey Jehovah don always want for people. They go live forever for paradise for this earth. Play the VIDEO to see how Jehovah de use e Son, Jesus, to do the things wey E want.
Read Psalm 145:16, and talk about this question:
-
How you de feel to know say Jehovah go “give everything wey get life wetin they want”?
SOME PEOPLE DE TALK SAY: “If all of us join hand work together, we fit solve the problems for this world.”
-
Which problems the Kingdom of God go solve wey governments for this world no fit solve?
WETIN THIS LESSON TEACH
The Kingdom of God go do wetin God want make e do. E go make the whole earth paradise wey only good people go dey inside and de worship Jehovah forever.
Wetin You Don Learn
-
How the Kingdom of God go make the name of Jehovah holy?
-
Why we fit dey sure say the Kingdom of God go make wetin Bible don promise happen?
-
Which of the blessings wey the Kingdom of God go bring you really want see?
LEARN OTHER THINGS
Learn wetin Armageddon mean.
Read about wetin go happen for the 1,000 years wey Jesus go rule and just after the 1,000 years end.
“Wetin Go Happen for Judgment Day?” (The Watchtower, September 1, 2012)
See how family fit sitdown de think of how they go enjoy life for Paradise.
For the story wey the title na “Plenty Questions Be De Worry Me for Mind,” learn how one man wey be dey against government see solution for wetin e de find.
“Bible De Help People Change Their Life” (The Watchtower, January 1, 2012)
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
