LESSON 55
Support Your Congregation
For the whole world, plenty-plenty people de worship Jehovah for plenty congregations. Them dey happy for the way them de guide and teach them for congregation and them dey ready to support the congregation for plenty ways. Na so you de feel about your congregation?
1. Wetin be some ways wey you fit use your time and power to support the congregation?
All of us fit help for congregation. For example, some old or sick people dey for your congregation? You fit help them make they fit go meeting? Or you fit help them do other things like, buy food or other things wey they need or clean their house? (Read James 1:27.) We fit still join clean and make our Kingdom Hall fine. Nobody de force us to do this things. The love wey we get for God and for our brothers de make us “ready to support with all [our] heart.”—Psalm 110:3.
If you don baptize, you fit help the congregation for other ways. Brothers wey don qualify as Bible talk fit serve as ministerial servants or elders. Brothers and sisters fit serve as pioneers to support the preaching work. Some brothers and sisters fit help build place wey we de meet to worship or they fit move go another congregation wey need help for other ways.
2. How we fit use our money and our other things to support the congregation?
We fit “honor Jehovah with [our] things wey [we] really value.” (Proverbs 3:9) We dey happy to give our money and other things to support the congregation and the preaching work for the whole world. (Read 2 Corinthians 9:7.) They still de use this money to help our brothers when bad things happen to them. Some people don decide to always “keep something” wey them go contribute. (Read 1 Corinthians 16:2.) We fit use donate.pr418.com for internet or contribution box for our place of worship to contribute money. We get the chance to show our love for Jehovah for the way we choose to use our money and other things.
LEARN MORE THINGS
Learn about some ways wey you fit support the congregation.
3. We fit use our money and other things
Jehovah and Jesus love people wey dey happy to give. For example, when one poor widow give something to Jehovah even though say na only small money e get, Jesus talk say na good thing the woman do. Read Luke 21:1-4, and talk about this questions:
-
We need to give plenty money to make Jehovah happy?
-
How Jehovah and Jesus de feel when we give with all our heart?
If you want know how them de use the money wey we de contribute, play the VIDEO. After, talk about the question for under.
-
How them de use the money wey we de contribute to help the congregations for the whole world?
4. We fit decide to join help
For Bible time, servants of Jehovah de do everything wey they fit do to work and make their place of worship fine. But this things wey them do no be only to contribute money. Read 2 Chronicles 34:9-11, and talk about this question:
-
How everybody for Israel help to care for the house of Jehovah or the place of worship?
If you want see how Jehovah Witness de follow the example of Israel people that time, play the VIDEO. After, talk about the questions for under.
-
Why e dey important make we de keep our Kingdom Hall clean and fix anything wey don spoil?
-
Wetin be some things wey you fit do to help?
5. Brothers fit work hard to qualify to do more work for congregation
Bible de encourage brothers make they do wetin they fit do to support the congregation. If you want see one example, play the VIDEO. After, answer the question for under.
-
For the video, how Ryan try e best to support the congregation more?
Bible talk wetin brothers fit do to qualify to serve as ministerial servants and elders. Read 1 Timothy 3:1-13, and talk about this questions:
PERSON FIT ASK YOU SAY: “Where Jehovah Witness de get money to do their work?”
-
How you go answer?
WETIN THIS LESSON TEACH
Jehovah really like everything wey we de do to support the congregation with our time, power, money, and other things wey we get.
Wetin You Don Learn
-
How we fit use our time and power to support the congregation?
-
How we fit use our money and other things wey we get to support the congregation?
-
Which ways you go like support the congregation?
LEARN OTHER THINGS
Learn why God no talk say make e servants for this our time de pay tithe.
Bible talk about some work wey brothers wey don baptize de do for congregation. But what if situation go make sister wey don baptize to do this kind work?
“The Way Jehovah Arrange Authority for Congregation” (The Watchtower, February 2021)
See how some brothers de try their best to carry our books go give brothers and sisters for other place.
How Our Books De Reach Our Brothers and Sisters for Congo (4:25)
See how the way we de get money to do our work dey different from the way other religions de get their own.
“How Jehovah Witness De Get Money to Do Their Work?” (E dey for jw.org)
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
