LESSON 60
Continue to Near Jehovah More-More
As you don de use this book study Bible, you don learn plenty things about Jehovah. The things wey you don learn don make you love Jehovah sotey you fit don give your life to Jehovah and baptize. If you never baptize, we know say you de plan to baptize soon. But after you baptize, you no go stop to near Jehovah more-more. The truth be say you fit continue to near Jehovah forever. How you fit do this one?
1. Why e good make you continue to make your friendship with Jehovah strong?
We must work hard to continue to make our friendship with Jehovah tight. Why? “So that we no go ever shift comot small-small” from Jehovah. (Hebrews 2:1) Wetin fit help us continue to dey faithful as we de serve Jehovah? Na to dey busy for the preaching work and look for other ways to serve our God more. (Read Philippians 3:16.) To serve Jehovah na the best way of life!—Psalm 84:10.
2. Which other things you go continue to do?
Na true say this study don de end, but your life as Christian go continue. Bible talk say make we “wear the new character.” (Ephesians 4:23, 24) As you continue to study the Bible and de go congregation meetings, you go learn new things about Jehovah and e character. Look for ways wey you fit copy the fine-fine character of Jehovah for your life. Continue to make any change wey you suppose make for your life to make Jehovah happy.
3. How Jehovah go help you make you continue to be e tight friend?
Bible talk say: “God . . . go finish [your] training by e self. E go make [you] stand well, e go make [you] strong, [you] no go shake.” (1 Peter 5:10) All of us de face temptation to do bad things. But Jehovah de give us power so that we no go fall for the temptation. (Psalm 139:23, 24) E promise say e go give you the heart and the power wey you need to be e servant.—Read Philippians 2:13.
LEARN MORE THINGS
Learn how you fit continue to near Jehovah and how Jehovah go bless you.
4. Continue to talk to your best Friend
Prayer and your Bible study don help you to be friend of Jehovah. How this two things fit help you near Jehovah more-more?
Read Psalm 62:8, and talk about this question:
-
If you want make your friendship with Jehovah strong, wetin you fit change about the way you de pray and the things wey you de tell Jehovah for prayer?
Read Psalm 1:2 and footnote, and talk about this question:
-
If you want make your friendship with Jehovah strong, how you fit make your Bible reading better?
Wetin you fit do to gain more from your personal Bible study? To see some ideas, play the VIDEO, and talk about the questions for under.
-
Which advice from the video you fit follow?
-
Which topics you go like study?
5. Plan how you fit serve Jehovah more
If you get plan to do more for Jehovah, this one go help you to continue to near Jehovah more-more. Play the VIDEO, and talk about the question for under.
-
For this video, how Cameron gain as e plan to do more for Jehovah?
No be everybody fit move go another country go preach. But we fit make plans about the things wey we fit do. Read Proverbs 21:5, and think about the things wey you fit plan to do for . . .
-
congregation.
-
preaching work.
How the advice for this verse fit help you do the things wey you don plan to do?
Some things wey you fit plan to do
-
Try to make the way you de pray better.
-
Read the whole Bible.
-
Try know everybody for your congregation.
-
Try start and conduct Bible study with even one person.
-
Try do auxiliary pioneer or regular pioneer work.
-
If you be brother, do your best to serve as ministerial servant.
6. Enjoy life now and forever!
Read Psalm 22:26, and talk about this question:
-
Wetin you fit do so that you go fit enjoy life now and forever?
WETIN THIS LESSON TEACH
Continue to make your friendship with Jehovah strong and plan the things wey you want do for Jehovah. If you do this things, you fit enjoy life now and forever!
Wetin You Don Learn
-
Why you fit dey sure say Jehovah go help you make you continue to be e friend?
-
How you fit make your friendship with Jehovah strong?
-
When you plan to do more for Jehovah, how this one fit help you near Jehovah?
LEARN OTHER THINGS
Which one dey important pass to Jehovah, na to do one special thing to show say we de serve Jehovah or na to dey faithful everyday for our life as we de serve Jehovah?
Even faithful servant of Jehovah fit lose joy. See how person fit get e joy back.
How you fit make plans to do more for Jehovah and do the things wey you don plan?
Why e dey important make you be mature Christian, and how you fit be mature Christian?
“De Work Hard Till You Mature—‘The Great Day of Jehovah Don Near’ ” (The Watchtower, May 15, 2009)
You May Also Like
QUESTIONS WEY PEOPLE DE ASK
How the Bible Study Wey Jehovah Witness De Do With People De Be?
You fit use any Bible translation when you de do free Bible study with Jehovah Witness. You fit tell all your family or friends to join you for the study.
