WHEN YOU DE MAKE DISCIPLES
LESSON 10
Put All Your Heart
Advice: “We tell ourself say we no go only give una the good news of God, but we go still give una our life, because una don make us love una no be small.”—1 Thess. 2:8.
The Thing Wey Jesus Do
1. Watch the VIDEO, or read John 3:1, 2. Then think about this questions:
-
Why you think say Nicodemus visit Jesus for night? —Check John 12:42, 43.
-
As Jesus agree to meet Nicodemus for night, how this one show say Jesus de really put all im heart to make disciples?
Wetin We Learn From Jesus?
2. We de show say we love people when we put all our heart to help them become disciples.
Copy Jesus
3. Study with your Bible student for time and place wey dey okay for-am. E fit like to study for one particular day of the week or one particular time for the day. E go dey okay more for the student to study for im workplace, for im house, or for open place? If e dey possible, make you check your program so that you go fit study with the student for time wey go better for-am pass.
4. Always study with the student. If you no go dey around, no cancel the study. Instead, make you think about this one:
-
You go fit study with the student another time for that week?
-
You fit tell another publisher make e study with the student?
5. Pray make God help you do the correct thing. Beg Jehovah to help you make you no tire for your student, even if e no de study everytime or e de struggle to do the things wey e de learn from Bible. (Phil. 2:13) E fit be say your student get many fine-fine character, so pray make God help you to put your mind for this character them.
STILL CHECK
Prov. 3:27; Acts 20:35; 2 Cor. 12:15
