Long-long time before Jehovah make Adam, e make one strong angel for heaven. If we want make Jehovah happy with us, we must obey this angel.

After, Jehovah send this angel come this earth make one woman wey e name na Mary born-am for Bethlehem. This woman never sleep with any man before. When the woman born, they name the pikin, Jesus.​—John 6:38.

When Jesus dey this earth, e do the same thing wey Jehovah for do. E get good heart, e love people, and people no de fear to come near Jesus. E no fear to teach people the truth about Jehovah.

Jesus still cure sick people and resurrect some people.

The scribes and Pharisees hate Jesus because e tell people say things wey them de teach no correct and say they bad.

The scribes and Pharisees tell Roman rulers lie about Jesus so that they go beat and kill Jesus.