Everybody de feel sad sometimes. To de feel sad no be sign say person no get faith for Jehovah. Even Jehovah talk-am say e de feel sad sometimes. (Ge 6:5, 6) But what if sometimes, we de over sad or maybe everytime?

Pray make Jehovah help you. Jehovah really want know how we de feel. E know when we de happy and when we dey sad. E understand why we de think and feel like that. (Ps 7:9b) The one wey dey important pass be say, Jehovah care about us and e fit help us so that we go fit manage the sad feeling wey we de get or even if na depression.—Ps 34:18.

Protect your mind. Bad feeling fit make us no de happy again and e fit affect our worship. Because of this one, e go good make we de protect our heart wey be the kind person wey we be for inside.—Pr 4:23.

WATCH THE VIDEO HOW OUR BROTHERS DE ENJOY PEACE, AND AFTER, MAKE UNA ANSWER THIS QUESTIONS:

• Which things Nikki do so that e go fit handle the depression wey e de face?

  Your answer

• Why Nikki feel say e need to go meet doctor to help-am?—Mt 9:12

  Your answer

• Wetin Nikki do wey show say e trust Jehovah to help-am?

  Your answer