You don take time read some copies of the 2018 Watchtower? Try whether you go fit answer this questions:

Which proof from Bible show say God really de feel our pain?

The time wey Israel people be slave for Egypt, God be know their pain and the suffer wey them de face. (Ex. 3:7; Isa. 63:9) God make us to get the qualities wey e get. E mean say we self de feel-am when other people de suffer. God de feel for us even when we feel say we no qualify to get e love.​—wp18.3, pp. 8-9.

How wetin Jesus teach help people to stop to show partial?

When Jesus dey this earth, many Jews de do partial. E talk say e good to dey humble and say e no good for people to think say their country better pass the one for other people. E tell e followers say make them de see each other as brothers.​—w18.06, pp. 9-10.

Wetin we learn from why God no allow Moses to enter the Promised Land?

Moses get good relationship with Jehovah. (Deut. 34:10) Near the end of the 40 years wey they spend for wilderness, the people complain for the second time say they no get water. God tell Moses make e talk to the rock. Instead Moses hit the rock. This one fit don make Jehovah vex for Moses because e no follow wetin E talk or Moses no give God glory for the miracle (Num. 20:6-12) This one suppose teach us important lesson. Make we always obey and give Jehovah glory.​—w18.07, pp. 13-14.

How we fit make serious mistake if we judge people with wetin eye fit see?

Three things de affect how people de judge other people. Them be: skin color or tribe, the money and property wey person get, and their age. E dey important for us to see other people the way God de see them! (Acts 10:34, 35)​—w18.08, pp. 8-12.

Which things our old brothers fit do to help other people?

God go continue to love Christian wey e don old and e assignment change. This Christian fit do plenty things to help other people. Some Christians get husband or wife wey they no de serve Jehovah, this old Christian fit preach to them, help inactive publishers, conduct Bible study and do more for preaching.​—w18.09, pp. 8-11.

Wetin dey inside our Teaching Toolbox?

We get contact cards and invitations inside. Eight fine-fine tracts and Watchtower and Awake! magazines. Some brochures and two main Bible study books and four fine videos dey inside. One of them na: Why E Good Make We Study Bible?​—w18.10, p. 16.

How Christian fit “buy truth,” as Proverbs 23:23 talk?

We no de pay money for truth. But we need to spend time and energy to gain-am.​—w18.11, p. 4.

Wetin we fit learn from the way Hosea treat e wife, Gomer?

Even as Gomer commit adultery many times, Hosea forgive her and still stay for the marriage. If Christian husband or wife commit sex wey e bad, the one wey e no do bad fit try forgive e husband or wife. Anytime the husband or the wife start to sleep with each other, that one don cancel the reason wey Bible give for divorce.​—w18.12, p. 13.