1, 2. How the experience of Tony show say e dey possible for person to change?

TONY na one student wey e nearly drop from school. Because e no get papa, e no really like school and de use e weekends to watch film or play with e friends. E no de smoke or de fight up and down. E no just get direction for life. And e still de doubt if God really dey. So one day, Tony meet one Jehovah Witness man and e wife. E talk with them about the doubt wey e get and ask questions. They give Tony two brochures​—The Origin of Life—Five Questions Worth Asking and Was Life Created?

² When the husband and wife return, Tony don really change. E don study the brochures sotey their edge don fold. Tony tell them say: “Now, I really know say God dey.” Tony start to study Bible, and small small, e change how e de see life. E later become one of the best student for e school. This one even surprise the principal of the school. The principal talk say: “You don really improve. Your behavior don change. And you de score better mark now. Na because you don join Jehovah Witness?” Tony answer yes and e use that opportunity  preach for the principal. E complete the school well and today, Tony don de serve as regular pioneer and ministerial servant. Tony really dey happy say e don get the best Papa, Jehovah.​—Ps. 68:5.

3. Which advice Jehovah de give young people?

³ The experience of Tony de remind us say Jehovah ready to help young people. E want make wuna enjoy real and better life. So, Jehovah de give wuna this advice: “Remember the Great Person wey make you now when you still young.” (Eccl. 12:1) Na true say this one no really dey easy. But e no mean say e no dey possible. With the help wey Jehovah de give, wuna fit succeed, no be only when wuna still dey young, but for all wuna life. To understand this point well, make we see wetin we fit learn from how Israel people enter the Promised Land and the fight between David and Goliath.

4, 5. Which fine lesson we fit learn from how Israel people enter Canaan and from the fight between David and Goliath? (Check the first pictures.)

⁴ When Israel people don de near the Promised Land, God no command them to train well to fight war. (Deut. 28:1, 2) Instead, e tell them make them obey e commandments and trust him. (Josh. 1:7-9) For people, e fit be like say that advice no make sense! But that one na the best advice because Jehovah help them win the Canaanites. (Josh. 24:11-13) The truth be say, to obey God we need faith, and that faith de always make us succeed. This truth no de change as time de go, e still dey the same today.

⁵ Goliath na strong man wey e de fight, e dey about nine and half feet (2.9 meter) tall and get enough things to use fight war. (1 Sam. 17:4-7) But David get only two things: sling and faith for e God Jehovah. For people with no faith, they go see David like fool. But them dey wrong! Na Goliath be fool.​—1 Sam. 17:48-51.

6. Which things we go now talk more about?

⁶ From the last topic, we learn four things wey they fit make us happy and succeed for life. The four things na, to take spiritual food, good friends, to use our life work for Jehovah, and to use the freedom wey God de give e people well. Make we now talk more about this four things, and we go use some advice for Psalm 16.

7. (a) How you go describe spiritual person? (b) Wetin be the “portion” wey David talk about, and how this one affect him?

⁷ Spiritual person get faith and e de see things the way God de see them. E de allow God to guide him and dey ready to obey God. (1 Cor. 2:12, 13) David na good example. E write say: “Jehovah na my portion, my share, and my cup.” (Ps. 16:5) The “portion” wey David talk here, involve e relationship with the God wey e de protect him. (Ps. 16:1) How this one affect David? David talk say: “My whole body dey happy.” So nothing make David happy pass e relationship with God.​—Read Psalm 16:9, 11.

8. Which things fit make us really happy for life?

⁸ When people de use their life find money and enjoyment, they no de get the kind joy wey David get. (1 Tim. 6:9, 10) One brother from Canada talk say: “Wetin de make us really happy no be wetin we de get from life, but na wetin  we de give Jehovah God wey e de give every good gift.” (Jas. 1:17) So if you get faith for Jehovah and you use your life to serve him, this one go give meaning to your life and make you happy. How you fit make your faith strong? You must spend time with Jehovah, as you de read Bible, de look the things wey e don make, and de think about e qualities, like the love wey e de show you.​—Rom. 1:20; 5:8.

9. Like David, how you fit allow make Bible de direct you?

⁹ Sometimes God de show love for us as e de correct us like our papa. E correct David and David like-am. David talk say: “I go praise Jehovah, the one wey e don give me advice. Even for night, wetin I de think correct me.” (Ps. 16:7) David think about wetin God want and e allow this things to direct him for life. If you do like David, your love for God go strong and you go dey ready to obey God. You go mature well and go de reason as spiritual person. One sister wey e name na Christin talk say: “When I read about something and think about wetin I don read, I go de feel say Jehovah be talk make they write this thing just for me!”

10. As Isaiah 26:3 talk, when you de take spiritual food, how that one go help you?

¹⁰ When you de take spiritual food, e go give you sense to see this world and e future the way God de see-am. Why God de give you that sense? E want make you make better decisions, make better plans about how you go use your life, and get hope for the future! (Read Isaiah 26:3.) One brother for United States wey e name na Joshua talk say if you draw near Jehovah you go know wetin dey important and wetin no dey important. That one na true and e de really make person happy!

11. From the example of David who we fit choose as friends?

¹¹ Read Psalm 16:3. David know how e fit find good friends. When e dey with friends of Jehovah e go really dey “happy.” This people wey Bible call them as the “holy ones,” de live clean life and de do the correct thing. Another person wey e write Psalm 119:63 talk say: “I be friend to everybody wey e de fear you and all the people wey them de obey your law.” As we learn for the last topic, you too fit find good friends inside people wey them de fear and de obey Jehovah. This friends fit be both young and old.

12. Wetin make David and Jonathan tight friends?

¹² David choose both young and old people as e friends. You fit remember the name of one “dear” friend of David? E name na Jonathan. The Bible talk about their friendship say e really dey tight. You know say Jonathan old pass David with about 30 years? So wetin make their friendship tight? Their faith for God, deep respect for each other, and their strong heart as them de fight the enemies of God.​—1 Sam. 13:3; 14:13; 17:48-50; 18:1.

13. How you fit make more friends? Give example.

¹³ Like David and Jonathan, we fit get plenty joy when we make friends with people wey they really love and get strong faith for Jehovah. Kiera, one sister wey e don serve Jehovah for many years talk say: “I don make friends with people from around the world, people  from different-different country and culture.” When you make friends with people of different age, you go see say Bible and holy spirit de bring us together as we de worship Jehovah.

14. (a) Wetin fit help you to make better plan for your life? (b) How some young people feel about their plan to serve Jehovah?

¹⁴ Read Psalm 16:8. For David, to serve God dey important pass. If you plan to use your life serve Jehovah, you go enjoy better life. One brother wey e name na Steven talk say: “Anytime I follow wetin I plan to do, I do-am, and then I look back and see how I don improve, this one de really make me happy.” One young brother from Germany wey e de serve for another country talk say: “When old age come, I no go like look back and see say I use my life do things to favor only myself.” We hope say you de feel like that. If na so you de feel, use your gift to honor God and do things to help people. (Gal. 6:10) Plan to do things for Jehovah and pray make Jehovah help you to do them. Jehovah go surely answer your prayer.​—1 John 3:22; 5:14, 15.

15. Wetin you fit plan to do for the service of Jehovah? (Check the box “ Some Things Wey You Fit Plan to Do.”)

¹⁵ Wetin you fit plan to do for the service of Jehovah? E fit be to give fine-fine comments for Christian meetings for your own words, to pioneer, or to serve for Bethel. You fit try learn another language and then plan to serve where them de speak the language. Barak na one young brother for full-time service. E talk say: To know say I de serve Jehovah with all my power everyday, de give me joy wey any other thing no fit give.”

16. How David feel about the laws and direction wey Jehovah de give, and why?

¹⁶ Read Psalm 16:2, 4. As we learn for the last topic, the laws and the direction wey God de give de free us as e de help us to show love for wetin good and hate  wetin bad. (Amos 5:15) David talk say all “good things” come from Jehovah. Jehovah really good for everything wey e de do, and na e give us all good things wey we get. David work hard to copy the example of Jehovah. David still show say e hate wetin Jehovah hate. One of this things wey David hate na the worship of anything apart from God. This one mean to give the worship of God to idol.​—Isa. 2:8, 9; Rev. 4:11.

17, 18. (a) As David talk, which bad things lie-lie religion fit do to person? (b) Today, how people de ‘bring more pain to theirself’?

¹⁷ For Bible time, sex wey e bad na part of lie-lie worship. (Hos. 4:13, 14) Many people that time like this kind worship because them de enjoy sex wey e bad. But that kind worship no give them real happiness. Instead, David talk say those people ‘bring more pain to theirself’. They still cause real pain for many of their children. (Isa. 57:5) Jehovah hate this wicked things wey them do! (Jer. 7:31) If to say you dey alive that time, you for dey happy if your papa and mama de worship and de obey Jehovah.

¹⁸ Today, lie-lie religion de allow their members to practice sex wey e bad. Them de even allow man to sleep with man or woman to sleep with woman. The result for this kind free life dey the same as e be dey for Bible times. (1 Cor. 6:18, 19) People de ‘bring more pain to theirself.’ You don see this one for your area? So, young people, make wuna listen to Jehovah wuna Papa for heaven. Dey sure say na for your own good to obey Jehovah. Know say the pain wey you go cause yourself go plenty pass any small enjoyment wey you go get. (Gal. 6:8) Joshua wey we talk about for paragraph 9 talk say: “We fit use our freedom the way we like, but if we no use-am for correct way, we no go dey happy.”

19, 20. Which blessing young people go get when they get faith and de obey Jehovah?

¹⁹ Jesus tell e followers say: “If wuna follow wetin I tell wuna, wuna really be my disciples and wuna go know the truth, and the truth go free wuna.” (John 8:31, 32) Jehovah don free us from lie-lie religion, fake beliefs and we no dey inside darkness again. And for future, we “go get the wonderful freedom wey the children of God get.” (Rom. 8:21) You fit taste that freedom now if you follow wetin Christ de teach. If you do so, you no go only “know the truth” because you don learn-am but because you de allow the truth guide your life.

²⁰ Young people, make wuna no play with the freedom wey God give wuna. Use-am with sense. This one go help you make better decisions. This decisions go give you better future. One young brother talk say: “If you use your freedom well when you dey young, e go help you when you don grow and want make big decisions, like the kind of work you go do, whether you go stay single for some time or you go marry.”

21. How you fit gain “the real life”?

²¹ For this world wey e go soon end, even wetin people de call good life no de last. We no know wetin tomorrow go bring. (Jas. 4:13, 14) So the best thing to do na to make decisions wey they go help us get “the real life.”—everlasting life. (1 Tim. 6:19) God no de force us to do correct thing. Na we go choose. So make Jehovah your “portion.” Use the plenty “good things” wey God don give you well. (Ps. 103:5) And get faith say Jehovah go give you “plenty joy” and “enjoyment . . . forever.”—Ps. 16:11.