You fit answer this questions from Watchtower of 2019?

Wetin this promise from God mean: “No matter the weapon wey they make to attack you, no one go work”? (Isa. 54:17)

We trust God say e go protect us from wicked things, like “when wicked people de attack.” (Isa. 25:4, 5) Our enemies no go fit do us anything wey Jehovah no fit remove, or change.​—w19.01, pp. 6-7.

How the way Jehovah treat Canaan people and the stubborn Israel people show say e de always do the right thing?

God no fail to judge people when they put hand for dirty things about sex or when they treat women and children anyhow. But when the people obey God and treat other people well, God bless them.​—w19.02, pp. 22-23.

If person de pray for place wey we dey and the person no be servant of Jehovah, wetin we suppose do?

We no go talk anything but make we show respect. We no go talk “amen” or hold hand together with other people. We fit pray our own prayer for our heart.​—w19.03, p. 31.

Why na serious matter if person do things about sex with pikin?

When person do this kind thing to pikin, the person don sin against the pikin, the congregation, government, and God. If elders hear say person do this kind thing, they go report the matter to government people as the laws of the land talk.​—w19.05, pp. 9-10.

How we fit change the way we de think or make-am de better?

Important things to do na: Pray to Jehovah. Think deep about the things wey you de read so that you go fit use-am check yourself. Choose good friends.​—w19.06, p. 11.

Wetin we fit do now to prepare for suffer from people?

We need to make our friendship with Jehovah strong more-more. Make we really believe say Jehovah love us and say e no go ever abandon us. Read Bible everyday and pray everytime. Make we really believe say the things wey God promise about e Kingdom go happen. Try to cram the Bible verse them wey you like and our songs.​—w19.07, pp. 2-4.

Wetin we go fit do make our family people get life?

We need to show say we de feel wetin them de feel, make we use our fine character preach to them, dey patient and use your sense.​—w19.08, pp. 15-17.

How we fit dey strong again, as Jesus promise for Matthew 11:⁠28?

We get elders and they love us, we get good friends, and we de do the best work.​—w19.09, p. 23.

How we go fit get power from God to want do wetin e want and to fit do wetin e want? (Phil. 2:13)

As we de read Bible and think deep about the things wey we read, God fit give us power to want do wetin e want and to do-am. We fit sabi something already but Jehovah fit use e holy spirit to help us make we fit do the thing well pass the way we de do-am before.​—w19.10, p. 21.

Which better things fit help us make serious decision?

Five things na: Do research well. Pray for sense. Think about why you make that decision. Know each thing wey you need to do. Know wetin you fit do.​—w19.11, pp. 27-29.

The lie wey people de teach today say soul no de die start from when Satan lie to Eve?

No be this time the lie start. Satan tell Eve say e no go die. Devil no tell Eve say e body go die but one part of e body wey people no fit see (wey them de call soul today) no go die. But we know say all lie-lie wey people de teach that time end when God use water destroy the world for the time of Noah. This belief fit don start before God confuse the language wey people de speak for Babel and scatter the people. The people de build tower of Babel that time.​—w19.12, p. 15.