You don take time read this year Watchtower them? Try whether you go fit answer this questions:

How we de gain when we spend time to talk to Jehovah, listen to Jehovah, and de think about Jehovah?

E go help us to make better decisions, to sabi teach well, to make our faith strong more-more, and make our love for Jehovah strong more-more.—w22.01, pp. 30-31.

How we go gain if we learn to trust Jehovah and the people wey e de use give us direction?

Now no be the time to de doubt the direction and the decisions of the elders. Instead, make we get trust for the way Jehovah de do things. For great tribulation, we go dey ready to obey direction wey fit be like wetin hard to understand or to obey.—w22.02, pp. 4-6.

Wetin the angel mean when e tell Zechariah about ‘plumb for the hand of Zerubbabel [the governor for Jew people]’? (Zech. 4:8-10)

This vision show God people say, even as the temple be like say e no better reach the first one to some people, the work for there go complete and the temple go be as Jehovah want-am to be.—w22.03, pp. 16-17.

How we fit show better example for how we de talk? (1 Tim. 4:⁠12)

We talk for kind way and with respect when we de preach. We sing with all our heart and de always make comment. De always talk truth and talk for way wey go encourage people, and no de curse-curse for anyway—w22.04, pp. 6-9.

Why the different-different part for the body of the four big-wicked animals (kingdoms) wey Daniel chapter 7 talk about, dey for one animal as the book of Revelation 13:1, 2 talk?

This big-wicked animal wey Revelation 13 talk about no be just one government like Rome. Instead, e represent all the governments wey don rule man come reach now.—w22.05, p. 9

How we fit show our trust say Jehovah go judge for correct way?

When person do wetin pain us or sin against us, make we try stop to vex and comot the thing from our heart. Make we leave matter for Jehovah hand. Jehovah go comot all the problems wey sin don cause.—w22.06, pp. 10-11.

When they call brother say make e pray for meeting, which things e suppose put for mind?

E no good make the brother wey de pray de correct the congregation or de make announcement when e de pray. So the brother wey de pray for the beginning of the meeting no need to “talk plenty.” (Matt. 6:⁠7)—w22.07, pp. 24-25.

How “people wey don do bad go resurrect get judgment”? (John 5:⁠29)

They no go judge them because of wetin they don do before they die. Jesus go watch them well and de check how them de behave after they don resurrect.—w22.09, p. 18.

Wetin be one thing wey J. F. Rutherford talk wey move people for one convention for September 1922?

For one convention wey they do for Cedar Point, Ohio, U.S.A., J. F. Rutherford talk say: “The King don de rule! And na wuna get the work to tell people about-am. So, make wuna advertise, advertise, advertise, the King and e Kingdom!”—w22.10, pp. 3-5.

Which three ways Jehovah de use help e servants endure as e dey for Isaiah chapter 30?

This chapter show say Jehovah (1) de sofri listen to and answer our prayer, (2) de teach us, and (3) de bless us now and go still bless us for future.—w22.11, p. 9.

Why we fit talk say wetin Psalm 37:10, 11 and 29 talk happen for past and go still happen for future?

David de talk about the blessings wey Israel people enjoy that time, like when Solomon be king. But Jesus de talk about future Paradise when e quote wetin David talk for verse 11. (Matt. 5:5; Luke 23:43)—w22.12, pp. 8-10, 14.