Read Judges 11:30-40 to learn from the story of Jephthah and im daughter about wetin e mean for person to do wetin e promise.

Learn more things about the story. How Israel people wey serve Jehovah well, feel about the promise wey them make to Jehovah? (Num. 30:2) How Jephthah and im daughter show say them get faith for Jehovah?—Judg. 11:​9-11, 19-24, 36.

Do research to learn more things. Wetin Jephthah promise Jehovah, and wetin e mean when e make the promise? (w16.04 7 ¶12) Which things Jephthah and im daughter leave to fit do wetin e promise? (w16.04 7-8 ¶14-16) Wetin be some things wey servants of Jehovah fit promise-am today?—w17.04 5-8 ¶10-19.

Wetin you learn? Ask yourself say:

• ‘Wetin fit help me do wetin I promise Jehovah say I go serve-am forever?’ (w20.03 13 ¶20)

• ‘Wetin be some things wey I fit leave so that I go fit do more for Jehovah?’

• ‘I promise my husband or wife when we marry say I go dey faithful to-am. Wetin fit help me do wetin I promise?’ (Matt. 19:5, 6; Eph. 5:28-33)