For the home page of our website, you go see some topic wey show article wey dey inside the website. Many of our brothers and sisters de enjoy to use wetin them read from the article them, for preaching. E dey easy to send them give person wey want know more about wetin Bible talk about things wey dey happen for this our time. One brother write say “the article them for the home page na the correct thing wey we need now because of how our preaching don be.”

But we de change the topics wey we de put for the home page of our website. So how you fit see the article wey no de show for the home page again?

• When you enter jw.org for English, look under the first picture, for your right hand side, you go see, “See More.” Press-am, e go carry you go “Recently Featured on the Home Page,” for there you go see more article.

• For jw.org or JW Library^®, go “Library,” press “Different Things Wey You Fit Read,” from there you fit go “More Topics.” For this side, you go see plenty topic wey we don talk about for the home page.