1. Why we need to listen to the warning wey Jesus give?

WHEN Jesus de talk about wetin go happen for the last days, e talk say: “But make wuna watch wunaself, so that wuna heart no go weak because of too much . . . problems for life [or “worry-worry about how to survive for life; worry-worry about everyday life,” nwtsty ftn.].” (Luke 21:34) We need to listen to that warning. Why? Because even now, we de face the same kind of problem wey everybody de face.

2. Which problems de make our brothers and sisters face stress?

² Sometimes, we de face different-different problem the same time. Make we see some examples. One brother wey e name na John * de suffer from one serious sickness wey them de call multiple sclerosis. (This sickness de damage the brain, spinal cord, and nerves for body.) The brother really dey sad when e wife leave the marriage after the two of them don dey together for 19 years. Then the two daughters wey the brother get stop to serve Jehovah. One husband and wife wey their name na Bob and Linda, face different problem. Two of them lose their job and they pack comot from the place wey them de live because they no fit de pay again. Apart from that one, doctor tell Linda say Linda get one heart disease and e fit die from the disease. The doctor still talk say Linda get serious arthritis.

3. According to Philippians 4:6, 7, wetin we go fit dey sure of?

³ Na Jehovah our Papa make us and e understand the way stress de affect us. God want help us manage the problem wey we de face. (Read Philippians 4:6, 7.) Plenty examples for Bible talk about the problem wey servants of God endure.  Bible still explain how Jehovah help them manage the stress wey the problem give them. Make we talk about some of this examples.

4. Which problems Elijah face, and how e feel about Jehovah?

⁴ Elijah serve Jehovah for hard time and e face serious problems. That time, na King Ahab de rule for Israel and e no de serve God well. King Ahab marry Jezebel. This woman dey wicked and e de worship Baal. Ahab and Jezebel make people for Israel to worship Baal and they kill many prophet of Jehovah. But Elijah manage to escape. Because e trust Jehovah, e still survive one time wey food really scarce. (1 Ki. 17:2-4, 14-16) Apart from that one, the time wey Elijah challenge the prophets and worshippers of Baal, e trust Jehovah. E encourage Israel people make they worship Jehovah. (1 Ki. 18:21-24, 36-38) That time wey Elijah de face stress, e see the way e get support from Jehovah plenty times.

5-6. According to 1 Kings 19:1-4, how Elijah feel, and how Jehovah show say e love Elijah?

⁵ Read 1 Kings 19:1-4. But when Queen Jezebel threaten say e want kill Elijah, Elijah begin fear. So e run go the area of Beer-sheba. And then e tire for life sotey “e talk say e want die.” Wetin make Elijah feel like that? E no dey perfect, “na person with feeling like us.” (Jas. 5:17) Maybe the stress too much for Elijah and e over  tire. Maybe e think say everything wey e de do to encourage people make they worship Jehovah na waste of time. E fit de think say nothing for Israel don better, and na only him still de serve Jehovah. (1 Ki. 18:3, 4, 13; 19:10, 14) We fit de surprise say this faithful prophet de feel like this. But Jehovah understand the way Elijah de feel.

⁶ Jehovah no vex for Elijah as e talk the way e de feel. Instead, e help Elijah get power again. (1 Ki. 19:5-7) After, Jehovah sofri correct the way Elijah de think when e show the prophet the kind power wey E get. And Jehovah make Elijah know say E still get 7,000 people for Israel and this people no gree worship Baal. (1 Ki. 19:11-18) Jehovah use this examples show say e love Elijah.

7. From the way Jehovah encourage Elijah, wetin we fit dey sure of?

⁷ Something de give you stress? We really dey happy say Jehovah understand the way Elijah feel! And this one make us dey sure more-more say Jehovah understand the way we de feel as we de struggle with our problem. God know wetin we fit do and wetin we no fit do. And God even know the thing wey we de think and the way we de feel. (Ps. 103:14; 139:3, 4) If we trust Jehovah like Elijah, when problem de give us stress, Jehovah go help us manage-am.​—Ps. 55:22.

8. How Jehovah go fit help you manage stress?

⁸ Stress go fit make you tire because you fit de think say your condition no go change. If that one happen, make you remember say Jehovah go help you manage the stress. Wetin e go do to help you? E talk say make you talk how you de feel because e want hear your problem. And e go answer you when you beg for help. (Ps. 5:3; 1 Pet. 5:7) So, make you de always pray to Jehovah about your problems. God fit no talk to you the way e talk to Elijah. But e go use the Bible and e organization to talk to you. The story them for Bible wey you read go fit give you comfort and hope. Another thing be say, your brothers and sisters go encourage you.​—Rom. 15:4; Heb. 10:24, 25.

9. How friend wey we trust fit help us?

⁹ Jehovah tell Elijah make e give some of e work to Elisha. This one show say Jehovah give Elijah good friend and this friend go help Elijah when e really dey sad. For the same way, when we tell our friend about the way we de feel, the person fit help us make we fit manage our problems. (2 Ki. 2:2; Prov. 17:17) But, you fit de feel say you no get anybody wey you go talk to about your problem and the way you de feel. If na so, make you pray to Jehovah make e help you find person with strong faith to encourage you.

10. How the experience of Elijah give us hope say we fit endure too, and how the promise for Isaiah 40:28, 29 fit help us?

¹⁰ Jehovah help Elijah make e fit manage the stress and do e work well for many years. The thing wey Elijah experience give us hope. We fit de face serious stress, and the condition fit make us tire for body and feel really sad for heart. But make we trust Jehovah. This one go give us the power wey we need to continue de serve God.​—Read Isaiah 40:28, 29.

11-13. How stress affect three servants of God for Bible time?

¹¹ Other people for Bible still face plenty stress. For example, Hannah really feel  stress because e de shame say e never fit born pikin. Another thing be say, the other wife wey e husband marry de make Hannah feel pain as e de laugh Hannah. (1 Sam. 1:2, 6) The stress wey Hannah face make Hannah really dey sad sotey e de cry and e no fit chop.​—1 Sam. 1:7, 10.

¹² King David for Bible face plenty stress sometimes. Think about the problems wey e face. Many mistake wey e make really worry e conscience. (Ps. 40:12) David really love e son Absalom, but Absalom fight against David. And because of this one, they kill Absalom. (2 Sam. 15:13, 14; 18:33) Another thing be say, one of David tight friend betray David. (2 Sam. 16:23–17:2; Ps. 55:12-14) For many of the songs wey David write, e describe the pain wey e feel and the strong trust wey e get for Jehovah.​—Ps. 38:5-10; 94:17-19.

¹³ After, one writer of the book of Psalms begin jealous the way wicked people de live their life. Maybe this person come from the family of Asaph the Levite. This person serve for “the holy place of God.” E suffer from stress and because of this one e really dey sad. E even begin think say the blessing wey person go get because e de serve God no dey enough.​—Ps. 73:2-5, 7, 12-14, 16, 17, 21.

14-15. Wetin we learn from the three examples for Bible about why e good make we allow Jehovah to help us?

¹⁴ All the three servants of God wey we just talk about trust say Jehovah go help them. They tell Jehovah about their problems for prayer. They no hide anything from God, they talk about the reasons why them dey under stress. And they continue to go the place wey them de worship Jehovah.​—1 Sam. 1:9, 10; Ps. 55:22; 73:17; 122:1.

 ¹⁵ Jehovah sofri answer each of them well. After, Hannah get peace of mind. (1 Sam. 1:18) David write say: “Righteous person get plenty problem, but Jehovah de save the person from all of them.” (Ps. 34:19) And after, that person from family of Asaph feel say Jehovah “don hold [e] right hand.” And e still feel say the advice wey e de receive from Jehovah na with love. E sing say: “As for me, na to take myself near God dey good for me. Na you Jehovah my King, I don take as the place wey I fit hide when trouble dey.” (Ps. 73:23, 24, 28) Wetin we learn from all this example? Sometimes, we go get big-big problem and they fit cause stress for us. But we fit manage the problem if we think deep about how Jehovah don help other people, if we pray to show our trust for Jehovah, and if we do the things wey e talk say make we do.​—Ps. 143:1, 4-8.

16-17. (a) Why e no good make we separate ourself from Jehovah and e people? (b) How we fit get power again?

¹⁶ We learn another important lesson from the three example. We learn say make we no separate ourself from Jehovah and e people. (Prov. 18:1) Make we talk about  the example of one sister wey e name na Nancy. The husband of this sister leave the sister. When that one happen, Sister Nancy get serious stress. E talk say: “Many times, I no go just like to see anybody or talk to anybody. But the more I de separate myself from people, the more I de dey sad.” But things change as Nancy begin think about how to help people when they get problem. Nancy talk say: “I listen as people de explain the things wey them de experience. I notice say as I de pity for them more-more, I no too de think about myself and my problems.”

¹⁷ We fit get power when we de attend meeting. When we dey meeting, we de give Jehovah more chance to ‘help us and comfort us.’ (Ps. 86:17) For meeting, Jehovah de use holy spirit, Bible, and our brothers and sisters to make us strong. When we dey meeting, we go enjoy to “encourage each other.” (Rom. 1:11, 12) One sister wey e name na Sophia talk say: “Jehovah and our brothers and sisters help me to endure. Wetin dey important to me pass anything na our congregation meeting. I don see say the more I de work hard for preaching work and for congregation, the more I de fit manage my stress and worry-worry.”

18. If condition tire us, wetin Jehovah fit give us?

¹⁸ When condition make us tire, make we remember say Jehovah no only promise to remove the stress forever for future. But, e go still help us manage the stress now when we no dey happy and we feel say hope no dey. E go give us the power to “want do” wetin go make us manage the stress well, and to “fit do wetin” go help us manage-am well.​—Phil. 2:13.

19. Which promise dey for Romans 8:37-39?

¹⁹ Read Romans 8:37-39. Apostle Paul make us dey sure say nothing go fit separate us from the love wey God get. How we go fit help our brothers and sisters when them de try to manage the stress wey they get? The next article go talk about how we fit show say we de feel for them and support them, like Jehovah.