Read Genesis 37:​23-28; 39:​17-23 to learn from Joseph example when them no treat-am well.

Learn more things about the story. Why them no treat Joseph well? (Gen. 37:​3-11; 39:1, 6-10) How long Joseph endure-am? (Gen. 37:2; 41:46) When Joseph de endure, wetin Jehovah do to help-am, and wetin E no do?—Gen. 39:2, 21; w23.01 17 ¶13.

Do research to learn more things. Even though say wetin Potiphar wife talk na lie, no place for Bible show say Joseph defend imself and talk say wetin Potiphar wife talk na lie. How this Bible verse them fit help us think about why Joseph decide to keep quiet, or why we no suppose expect make Bible tell us everything wey happen? (Prov. 20:2; John 21:25; Acts 21:37) Which better-better character Joseph get wey fit don help-am endure when them no treat-am well?—Mic. 7:7; Luke 14:11; Jas. 1:2, 3.

Wetin you learn? Ask yourself say:

• ‘Which bad way people fit treat me because I be Jehovah servant?’ (Luke 21:​12, 16, 17; Heb. 10:​33, 34)

• ‘How I fit prepare now, so that I go fit endure when them no treat me well?’ (Ps. 62:7, 8; 105:​17-19; w19.07 2-7)