Sister Lorraine for U.S.A talk say: “Jehovah de use our songs wey dey JW Broadcasting^® encourage me when I no happy.”

We always de sing song when we de worship Jehovah. (Col. 3:16) If you learn how to sing our songs well-well, you go fit sing them even when you no get song book or phone wey you fit use sing. Make we talk about three things wey fit help you learn how to cram our song them.

• Read the words well-well so that you go fit understand wetin e mean. If you understand something, e go dey easy for you to remember-am. The words for our songs them, even the ones for children and the original songs, dey jw.org. For the Library section, check Song.

• Write the words for the song ontop paper. This one go help you remember-am more.—Deut. 17:18.

• Try sing-am. Read the song or sing-am plenty times.

• Try see if you remember-am. Try sing the song from your head and then, check wetin you write to see if you sing-am well.