When the New World Don Come
Download:
1. Think about life wey problem no dey.
When the things you fit see and wey you fit hear
Just de make you happy,
Because cry-cry, pain and suffer no dey.
And all the friends wey you get around you
Na the people wey love God with all their heart,
And them de follow e Word.
This na the life wey all of us de wait for.
We know say one day
We go enjoy all this blessings
When the new world don come.
(CHORUS)
This hope de help us endure.
Yes e de help us make we get faith
Faith for the things wey we don de wait,
Wey our God go soon do
When the new world don come.
2. Think about when this earth go don change.
You go want climb the mountains and play round the field
As na place wey you like.
And from far one person just de look you,
E resemble who you know,
And you no fit hold your joy and tears,
And e just be like dream.
This na the person wey you pray to see again.
Our God wey love us
Go bring them come back
When the new world don come.
(CHORUS)
This hope de help us endure.
Yes e de help us make we get faith
Faith for the things wey we don de wait
Wey our God go soon do
When the new world don come.
(BRIDGE)
And all the things wey e talk
No go fail because e don promise.
Jehovah want make the earth new.
We go enjoy everything wey we pray for.
(CHORUS)
This hope de help us endure.
Yes e de help us make we get faith
Faith for the things wey we don de wait
Wey our God go soon do.
When the new world don come.
When the new world go come.
When the new world go come.
When the new world go come.
