SONG 134
Children Na Gift From God
(Psalm 127:3-5)
-
1. If you get children of your own,
Just remember them be gift from our God.
No use them play because Jehovah
want make you de help them de grow.
Jehovah God don give us advice,
This good advice de help us train children.
So make we de use-am for our life,
If we want really train children well.
(CHORUS)
Yes na fine gift this children them be,
And them be blessing from our God.
If you get them make sure say you try
de help them learn the Word of God.
-
2. All the things wey Bible de talk,
Make sure say them always dey for your heart.
And no forget to teach your children,
As Jehovah say make you do.
Even when you de rest or de work,
Still use that time, de help them learn Bible.
And you go happy when them obey,
And follow wetin Bible de talk.
(CHORUS)
Yes na fine gift this children them be,
And them be blessing from our God.
If you get them make sure say you try
de help them learn the Word of God.
(Still check Deut. 6:6, 7; Eph. 6:4; 1 Tim. 4:16.)
