SONG 139
See Yourself for Paradise
-
1. If you fit see where I de see.
Jehovah don show us how e go be.
For Paradise wey e go bring,
That na the time wey we go dey free.
We no go sick, cry no go dey.
Our life go sweet if we just obey.
Na small time remain, Paradise go soon come,
And this na why we de pray
make God Kingdom come.
(CHORUS)
Jehovah na you, go do-am for us.
When your Kingdom don de rule reach this earth.
And we go de enjoy better life ev’ryday.
Problem and suffer no go dey this world again.
-
2. Just use your mind see me and you,
De laugh and smile with correct work to do.
No bad people go make us fear,
Because good people full ev’rywhere.
We no go fear say we go die.
Nothing like death go de make us cry.
People wey them dey inside grave go come back,
And them go join us praise God
when e bring them back.
(CHORUS)
Jehovah na you, go do-am for us.
When your Kingdom don de rule reach this earth.
And we go de enjoy better life ev’ryday.
Problem and suffer no go dey this world again.
(Still check Ps. 37:10, 11; Isa. 65:17; John 5:28; 2 Pet. 3:13.)
