Many natural disaster happen for the year 2020 and na that same year COVID-19 start for the whole world. How Jehovah witness don help people wey e affect?

 For the 2020 service year, a the Coordinators’ Committee of the Governing Body approve-am say make them spend 28 million dollars b to help people. This one help people wey different-different disaster wey pass 200 affect. Some of this disaster na COVID-19, plenty tropical cyclones, flood for Africa, hunger for Venezuela, strong dry season for Zimbabwe. The money wey them contribute help to pay for food, water, place to stay, cloth to wear, and treatment. Them still use-am buy things wey them de use do cleaning, do repair work, and to build house back. See some example of the work wey them do to help people wey disaster affect.

 COVID-19. For the whole world, COVID-19 really affect our brothers and sisters for bad way, and e even make life hard for them. To fit help them, them form Disaster Relief Committees (DRCs) wey pass 800 for the whole world. The brothers wey dey this committees help to check the things wey brothers and sisters need and them go send the report give Coordinators Committee so that them go know how to fit direct the work.

 For the whole year, DRCs help many people get food, water, things wey them de use do cleaning, and treatment wey them need. For some area, DRCs still de work with the elders for the area to fit help our brothers get help from government.

 People wey no be Jehovah witness don see the work wey we de do to help people wey disaster affect. For example, Field Simwinga, the district commissioner for Nakonde, Zambia, tell our brothers say: We de owe una for the way una quick care for the families wey need help when disaster happen.

 When Food Scarce for Angola. Because of COVID-19, food no come plenty for Angola and e make the price for food go up well-well. This one make-am hard for our brothers and sisters to buy food.

 Them tell the brothers for Brazil branch make them send bags of food go give brothers for Angola. To fit use the money wey them contribute well, the brothers do research to know the best way to buy plenty food and fit send-am. Each bag of food fit cost reach $22 to buy and send-am. Each of this bag fit heavy reach 20 kilograms (44 lb) and some of the kind food wey dey inside na rice, beans, and oil wey them de use cook. Till today, them don send 33,544 bags of food and all of them reach 654,000 kilograms (721 U.S. tons). When them add-am to the food wey them get for the area, e help to feed more than 50,000 people!

 How our brothers de feel about the help wey them receive? Alexandre, wey dey stay for one small town for part of Angola, talk say: “E show say Jehovah love me and I no dey alone. And say Jehovah organization value me!” Mariza wey na only-am de take care of im children talk say: “Jehovah hear my prayer, and I thank Jehovah and im organization!”

 Help for Strong Dry Season for Zimbabwe. For 2020 service year, strong dry season happen for Zimbabwe and this one cause serious hunger for plenty-plenty people. Even plenty Jehovah Witness people no get enough food to chop.

 Them form five DRCs wey go help share food give our brothers. Many publishers help arrange food, load-am for motor and some even bring their motor make them use-am for the work. c For 2020 service year, them use $691,561 take feed people wey pass 22,700!

 For some of the brothers, this food wey them bring come just the time wey their food finish. When our brothers receive the food, them thank Jehovah. Some even start to sing our Kingdom songs.

 For one area, two women wey be Jehovah Witness wey their husband don die, attend one community meeting wey them organize to discuss how to share the food wey go come from one organization wey no be government own (NGO). But after some time, na matter wey concern politics them come de talk about for the meeting. So the sisters no agree to do wetin them talk to fit get help. As them de comot, the people come de laugh them and tell them say, “Make una no come back to ask for food!” But after two weeks, our brothers reach the area and give our sisters food, and some time pass before the NGO bring their own!

 Help for people wey disaster affect for Zimbabwe still bring better result. For example, check the experience of Prisca wey de live for one small village. Even with all the problem wey the strong dry season bring, Prisca decide say every Wednesday and Friday, e go use-am preach even when them de prepare their farm for planting season. People for the village come de laugh-am and talk say, “You go put your family for hunger because of preaching.” Prisca answer them say: “Jehovah no de ever fail e servant.” After some time pass, Prisca receive help from our organization. Some of e neighbors like wetin happen, and them tell Prisca say: “God never ever fail you, so we want learn about your God.” Now, seven of Prisca neighbors de listen to congregation meeting wey them de do for radio.

 As the end of this wicked world de near more-more, we go continue to de face natural disasters. (Matthew 24:​3, 7) We de thank una well-well as una de use the different way wey dey donate.pr418.com make contribution. Them go use-am well to help people wey de suffer, any time wey them need something.