Jehovah Witness them de put plenty of their books and videos now for Internet. Them de use this books and videos to make their faith strong. But for many parts of the world, our brothers and sisters no get money to use Internet. Plenty de live for area wey Internet connection no steady, dey slow or no dey at all.

 Even with this one, plenty of our brothers and sisters fit download books and videos now, even when they no get Internet! How them de do-am?

 JW Box na one small box wey they give congregations wey de struggle to get Internet. Wetin dey inside the box na one small machine wey de make-am dey easy to get something wey e dey for Internet. Them de call-am router. They buy this router from one company. Another thing wey dey inside the small box na one computer program wey the Computer Department for Bethel make and some books and videos wey dey jw.org. The price of one of the small box na about 42,000 francs or 27,000 naira.

 When brothers and sisters go Kingdom Hall, they go connect their phone or computer to the JW Box. They no go need to use wire connect to the JW Box, and they go fit download books and videos. Even person wey get old phone or small browsing phone fit connect. But if congregation no get Internet, how the JW Box go fit de get all the new books and videos from jw.org? The branch office de usually send one USB flash drive wey they don put all the new books and videos inside. One of this USB flash drive na like 2,220 franc or 1,440 naira. They go transfer the books and videos from the flash drive to JW Box.

 How JW Box don help our brothers? One papa for the Democratic Republic of Congo, Nathan Adruandra talk say, “For long time now, I don de try to download this drama ‘O Jehovah, . . . I Trust in You’ and Remember the Wife of Lot. But I never succeed to download-am and I don even tire to try. Now I fit download this videos for my phone and this one de help me and my wife to teach our children well.”

 One brother wey de help congregations for Nigeria to set JW Box for Kingdom Halls talk say: “The brothers de see the JW Box as gift from Jehovah. Them dey happy say e don dey easy for them now to fit de download books and videos from the Teaching Toolbox.”

 We don send more than 1,700 box to our brothers for Africa, Oceania and South America, and we still de arrange to send the box to many more congregations. How we de get money to do all this things? Na the contributions wey we de get from people wey de support the work wey we de do. And plenty of this contributions na from donate.pr418.com. We thank wuna for the way wuna de open wuna hand to support this work.