ALWAYS DE WATCH!
2022: Year Wey Plenty Problem Confuse People —Wetin Bible Talk?
For 2022, we hear plenty news about war, how plenty people face money problem, and how natural disasters happen for different-different place. Na only Bible fit explain why all this things de happen.
The real reason why the things wey happen for 2022 happen
The things wey happen last year really make-am dey clear say we de live for the time wey Bible call “last days.” (2 Timothy 3:1) The last days don start since 1914. Make we see how the things wey happen for 2022 match wetin Bible don talk say go happen for our time.
“War.”—Matthew 24:6.
“2022 Na Year Wey Wicked Things Wey War De Cause Start to Happen for Europe Again” a
Check the article “Russia Attack Ukraine.”
“Food no go plenty.”—Matthew 24:7
“2022 Na Year Wey Food Scarce Pass Before.” b
Check the article “War for Ukraine Don Make Food Scarce for the Whole World.”
“Different-different sickness go de spread.”—Luke 21:11.
“As sickness like polio don come back, even monkeypox don affect plenty people, and COVID-19 continue to cause plenty problem, all this sickness don make-am dey clear say, disease wey de spread really dey dangerous and e fit affect anybody no matter where them dey.” c
Check the article “6 Million People Don Die Because of COVID-19”
“People go de see things wey go make them fear.”—Luke 21:11.
“Weather wey de hot more-more, ground wey de dry because rain no too fall and big fire wey de spread, and flood don really destroy plenty things, kill plenty people and don make millions of people no get where to live. d
Check the article “As Weather De Hot More-More for the Whole World.”
“Different-different people de protest.”—Luke 21:9.
“As people de vex more-more because they no too get money to buy wetin they need and as the price of things de increase more-more, this one make the number of people wey protest against government high well-well for 2022.” e
Check the article “For the Whole World Price of Things De Go Up Everyday”
Wetin go happen for the year 2023?
Nobody know exactly wetin go happen for 2023. Wetin we really know be say, the Kingdom of God, wey go rule from heaven, go soon change all the bad-bad things wey de happen for earth today. (Daniel 2:44) That government go remove all the things wey de make people suffer and e go make sure say wetin God really want for this earth go happen.—Matthew 6:9, 10.
You fit follow wetin Jesus talk, and “always de watch” to see how the different-different things wey de happen for the world de show say Bible prophecy de happen. (Mark 13:37) Abeg, you fit talk to Jehovah Witness people to learn more things about how the Bible fit help you and how the Bible fit give you and your family hope about the better things wey go happen for future.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
You May Also Like
THE ANSWER WEY BIBLE GIVE
Wetin Be the Sign of the “Last Days,” or “End Time”?
Bible talk about many things wey go de happen the same time wey go show say we dey for the last days.
ESSENTIAL BIBLE TEACHINGS
Wetin Be the Kingdom of God?
For all the time wey Jesus de preach for this earth, e teach people about the Kingdom of God pass any other thing. For plenty years now, followers of Jesus don de pray say make that Kingdom come.
