As 2023 de start, all of us de hope say good things go happen to us and our family. Why we suppose get hope?

 Bible give us good news say all the problem wey we de face now no go last. Them go soon end. The truth be say, the things wey they write for Bible ”‏na to teach us, so that as we. . . de get comfort from Scriptures, we fit get hope.”‏—Romans 15:4.

•   To know more about wetin Bible promise, read the article “A Real Hope for a Better Tomorrow.”

 The hope wey Bible de give ”‏be like anchor wey de hold our life.”‏ (Hebrews 6:19, footnote) This hope de make us fit stand well. E fit help us endure any problem wey we de face now, e fit help us make we no tire for life, and we go fit get happiness wey go last forever. For example:

•   See how the hope wey dey Bible help one man wey de struggle with bad habit. Watch the video I Got Fed Up With My Lifestyle.

•   See how the hope wey dey Bible fit help us when person wey we love die. Watch the video Help for People Wey Their Person Die.

 Many people de always hope for good thing, but them no de sure say wetin them de hope for go ever happen. The things wey Bible promise no be like that. Why? Because all the promise wey dey Bible come from Jehovah God a “wey no fit lie.” (Titus 1:2) Na only Jehovah get the power to do everything wey e promise; e fit do everything wey e get for mind to do.—Psalm 135:5, 6.

 We de invite you to come enjoy the gain wey person de get from the hope wey dey Bible. You fit trust all this promise more-more if you de ”‏take time check the Scriptures.”‏ (Acts 17:11) To fit find out this things for yourself, try our free Bible study program with teacher. Start 2023 with better hope!