The war for Ukraine don show say many Christian leaders de really support war. Notice how Christian leaders de support the different side wey de fight the war:

•   For March 16, 2022, Metropolitan Epiphanius I of Kyiv talk for The Jerusalem Post say, ‘we really respect and value all our warriors wey de help us defend our native land Ukraine from the people wey de fight us. We de support and pray for wuna with all our heart.’

•   ‘The head of the Orthodox Church for Russia do one special program for soldiers wey dey Russia on Sunday, and encourage them to defend their country ‘as e be say na only them fit do this one,’ and as Moscow continue to do millitary campaign for Ukraine.’—Reuters, April 3, 2022.

 Christians suppose join fight war? Wetin Bible talk?

 Bible show say true Christians no de join fight war.

•   “Keep your sword back for e place, because any person wey de carry sword, na sword go kill the person.”—Matthew 26:52.

   Person wey de support war or de join fight war de really obey wetin Jesus talk?

•   “I de give wuna new commandment, say make wuna love wuna self; just as I love wuna, make wuna love wuna self like that. Na this one go make everybody know say wuna be my disciples, if wuna love wuna self.”—John 13:34, 35.

   Person wey de support war de show the kind love wey Jesus talk say go make people know e disciples?

 To know more, read the topic “Is War Compatible With Christianity?”

 E make sense if Christian no join fight war today? Yes. Bible talk say for this our time, wey be “last days,” people go come from every nation and them no go “learn war again,” and this one agree with wetin Jesus teach.—Isaiah 2:2, 4, footnote.

•   To know more, read the different-different topic wey dey inside The Watchtower wey the topic na “How Does God View War?”

 Small time, Jehovah a wey be “the God of peace” go use e government wey dey heaven save people wey them de ‘oppress and de suffer.’—Philippians 4:9; Psalm 72:14.

•   To see how God go do this one, watch the video Wetin Be the Kingdom of God?