Jesus know how person de feel as e de suffer when them do-am bad thing or partial. Them lie ontop im head, beat-am even though say e no do any bad thing, use partial judge im case, sentence-am even though e dey innocent, and them kill-am for painful way. Even though say e no do anything, e sacrifice “im life as price to free many people.” (Matthew 20:28; John 15:13) Now wey e don be King of God Kingdom, e go soon stop partial for the whole world and end crime forever.​—Isaiah 42:3.

 Bible describe how the world go be after Jesus don do something to end the problem for this world:

•   “E remain small time, and wicked people no go dey again; you go check the place wey them dey before, and you no go see them. But God go give humble people the earth, and them go happy well-well because peace go dey everywhere.”​—Psalm 37:10, 11.

 How we fit show say we value wetin Jesus don do for us and wetin e go still do for us? As e dey for Luke 22:19, Jesus tell im disciples to remember im death. Because of this one, every year, for the day wey Jesus die, Jehovah Witness people de gather together to remember im death. So we de invite you make you join us to do the Memorial of Jesus death for Sunday, March 24, 2024.

Find the place wey them go do the Memorial