When e dey this earth, Jesus show say e really love people, especially people wey poor and wey de suffer. (Matthew 9:36) E even give im life as sacrifice so that other people go get life. (Matthew 20:28; John 15:13) Soon, e go show im love for people again as e go use the power wey e get as King of God Kingdom to end poverty for the whole world.

 Bible use fine-fine words take describe wetin Jesus go do:

•   “Make e fight for the people wey other people de see as nothing, make e save the sons of poor people.”​—Psalms 72:⁠4.

 How we fit show say we really value everything wey Jesus don do for us and wey e go still do for us? For Luke 22:​19, Jesus tell im followers say make them remember im death. Because of this one, every year, for the day wey Jesus die, Jehovah Witness people de gather together to remember im death. So we de invite you make you join us to do the Memorial of Jesus death for Sunday, March 24, 2024.

Find the place wey them go do the Memorial