When Jesus dey this earth, e show say e love people well-well sotey e give im life to die for them. (Matthew 20:28; John 15:13) Soon, e go show im love for people again as e go use the power wey e get as King of God Kingdom to “end all war for the whole earth.”​—Psalms 46:9.

 See how the Bible describe wetin Jesus go do:

•   “E go save the poor people wey de cry for help, and e go still save the people wey other people de see as nothing and anybody wey no get who de help-am. E go pity poor people and common people, and e go save their life. E go save them from bad and wicked people.”​—Psalm 72:12-14.

 How we fit show say we really value everything wey Jesus don do for us and go still do for us? For Luke 22:19, Jesus tell im followers say make them remember im death. Because of this one, every year, for the day wey Jesus die, Jehovah Witness people de gather together to remember im death. So we de invite you make you join us to do the Memorial of Jesus death for Sunday, March 24, 2024.

Find the place wey them go do the Memorial