For 2022, government for the world spend about 2.24 trillion dollars (U.S.) for their military. Them never spend this kind money for military before. This na because of the fight wey happen between Russia and Ukraine. According to one report wey them release for April 2023 by the Stockholm International Peace Research Institute (SIPRI), for 2022:

•   Wetin Europe government spend for their military ‘high reach 13 per cent for the year. This na the biggest money wey them don spend for one year since the war wey happen for 1991.’

•   ‘Russia increase wetin them spend with 9.2 per cent, and this one move them from number 5 to number 3 biggest world spender.’

•   Wetin United States spend for their military ‘increase with about 39 per cent and this one make them the number one military spender.’

 As Dr. Nan Tian wey be coauthor for the SIPRI report talk, e say as the things wey them de spend for military de increase more-more, e show say the world wey we de live now de bad more-more.

 Bible tell us say the different government wey get power well-well go de get problem and them go de fight each other. E still show us the only thing wey fit give us real peace.

•   Bible call this time wey we de live the “time of the end.”​—Daniel 8:19.

•   The book of Daniel talk say for this our time, different government wey strong well-well go de struggle for power. This one mean say, them go de struggle with each other because them want be the number one wey get power pass. Part of the struggle na to de spend plenty “gold and silver” or money.​—Daniel 11:40, 42, 43.

 To know more about this Bible prophecy, watch the video Prophecy Wey Don Happen​—Daniel Chapter 11.

•   Bible talk say God go remove all the government for this world. E “go start kingdom wey nothing go fit destroy-am. And them no go carry the kingdom give any other people. E go destroy and end all this kingdom and na only that Kingdom go remain forever.”​—Daniel 2:⁠44.

•   Jehovah a God go soon do wetin human being no fit do wey be to bring real peace wey go last forever. How this one go take happen? Im Kingdom wey dey heaven go remove fight-fight and everything wey them de use fight.​—Psalm 46:8, 9.

 To know more about wetin God Kingdom go do, read the article “Under God’s Kingdom ‘Peace Will Abound.’”