For many people, the idea say people wey get different-different skin color go dey equal na something wey never happen.

•   “To de think say one skin color better pass another one just be like poison wey de affect many people, companies, and organizations for the world today. And this one de make them de treat each other anyhow.”​—António Guterres, UN Secretary-General.

 People wey get different-different skin color go fit ever dey equal? Wetin Bible talk?

 Bible tell us how God de see people wey get different-different skin color.

•   “Na from one man [God] make all the nation of people, make them stay for the whole earth.”​—Acts 17:26.

•   “God no de do partial, but for every nation, God de accept any person wey de fear-am and de do wetin correct.”​—Acts 10:34, 35.

 Bible show say all of us na one family and say God de accept everybody no matter our skin color.

 Na God Kingdom wey be government for heaven go fit really make-am possible. That government go teach people how to treat other people well. And e go teach people how to fit see everybody as one.

•   “The people wey dey the land go learn about the correct thing to do.”​—Isaiah 26:9.

•   “The result of wetin really correct na peace. And wetin really correct go bring rest of mind and protection forever.”​—Isaiah 32:17.

 Today, plenty people de learn how to show respect to other people and treat them well.

•   To learn more, read the Awake! magazine wey the title na “Is There a Cure for Prejudice?”

•   Still read the article wey the topic na “Talking to Children About Racism” to learn how papa and mama fit discuss this matter for their family.