On Monday morning for October 10, 2022, Russia shoot bomb wey affect plenty city for Ukraine. This one na to revenge for the explosion wey destroy one important bridge wey connect Crimea and Russia two days before that day. Before this things happen, politicians don first talk-am say e fit no tey before Armageddon go happen.

•   “We never really near Armageddon like this since the time of [U.S. President John F.] Kennedy and the Cuban Missile Crisis. . . . I no sure say e dey possible to use nuclear weapon wey e no go cause Armageddon.”—U.S. President Joe Biden, October 6, 2022.

•   “I agree say we go soon face Armageddon, and this one go put the whole world for danger.” This na wetin Ukraine President wey be Volodymyr Zelensky talk when they ask-am for BBC News, for October 8, 2022 about wetin fit happen as them de use all this nuclear weapon.

 If they use nuclear weapon, e go really cause Armageddon? Wetin Bible talk?

 No. Na only one place for Bible you go see the word “Armageddon.” E dey for Revelation 16:16. Armageddon no be war wey go happen between nations, but na war wey go happen between God and “the kings for the whole earth.” (Revelation 16:14) God go use the battle of Armageddon take end all the kingdoms for this earth.—Daniel 2:44.

 To know more about wetin Armageddon go mean for this earth, read the article Wetin Be the War of Armageddon?

 No. Even though say people wey de rule fit decide to use nuclear weapon for future, God no go allow them destroy the earth. Bible talk say:

•   “The earth go remain forever.”—Ecclesiastes 1:4.

•   “Righteous people go stay for this earth, and them go stay inside forever.”—Psalms 37:29.

 But Bible talk say very soon, big change go happen for people and this earth. (Matthew 24:3-7; 2 Timothy 3:1-5) Find out wetin Bible talk about the future with our free Bible study program.