For early morning of February 24 , 2022, Russia soldiers begin attack Ukraine even though say government people for the world try their best make they no fight war. How this one go take affect the whole world? Some days before, the secretary-general of united nation wey e name na, António Guterres, talk say; “We no fit even imagine the kind suffer and problem wey war de cause and how e go take affect the security of countries wey dey Europe and everywhere for the world.”

•   Jesus Christ don talk before say time dey come wey “Nation go fight nation, kingdom go fight kingdom.” (Matthew 24:⁠7) Read the article “What Is the Sign of ‘the Last Days,’ or ‘End Times’?” to see say the war wey de happen today na wetin Bible don talk before.

•   The book of Revelation talk about war like say e dey ride “red horse” and e go “remove peace from this earth.” (Revelation 6:⁠4) Read the article “The Four Horsemen​—Who Are They?” to know more about how this prophecy take concern the war wey de happen today.

•   The book of Daniel talk about the struggle wey go dey between “the king of the north” and “the king of the south.” (Daniel 11:​25-45) Make you watch the video Fulfilled Prophecy​—Daniel Chapter 11 to learn why Russia and other country wey de support-am be the king of the north. a

•   Revelation still talk about “the war wey God wey get power pass go fight for e great day.” (Revelation 16:​14, 16) But this one no be the kind war wey different-different countries dey fight today. Read the article “Wetin Be the War of Armageddon?” to know more about the things wey go happen for future.

•   Bible talk say God go “end all war for the whole earth.” (Psalm 46:⁠9) Read the article “A Real Hope for a Better Tomorrow” to learn more about wetin God promise say go happen for future.

•   Jesus teach people wey de follow-am to pray make God Kingdom come. (Matthew 6:​9, 10) That Kingdom na government wey dey for heaven. E go do wetin God want for this earth, and part of-am na to bring peace. To learn how you fit gain from this kingdom, watch the video Wetin Be God Kingdom?

 Jehovah Witness people wey dey Ukraine plenty pass 129,000. Like Jehovah Witness people wey dey other land, them de copy Jesus example as they no de put hand for politics matter and they no de join fight war. (John 18:36) For the whole world, Jehovah Witness people de preach the “good news about the kingdom”, because na e go solve the problem wey people de face. One of this problem na war. (Matthew 24:14) You fit call or send us message if you want learn more about the hope wey Bible talk about.